मुंबई : मंत्रालायत एका तरुणाने आत्महत्येचा प्रयत्न केला आहे. त्याने मंत्रालयात येऊन हे टोकाचं पाऊल उचललं त्याला कारणही तितकच गंभीर आहेत. प्रेयसीवर बलात्कार झाल्यानंतर आरोपींवर कोणतीही कारवाई झाली नाही. म्हणून तरुणाने तणावातून हे पाऊल उचललं.

सगळा प्रकार घडत असताना हा तरुण शेतकरी असल्याचा अंदाज लावला जात होता. काही वेळात संपूर्ण प्रकरण स्पष्ट झालं. (Latest News Update)

प्रेयसीवर अत्याचार झाला. मात्र कोणतीही कारवाई झाली नाही. अनेक तक्रार करुनही न्याय मिळाला नाही. म्हणून तरुणाने मंत्रालयात येत पाचव्या माळ्यावरून उडी घेतली. याआधी चार वेळा माजी मुख्यमंत्री उद्धव ठाकरे यांना पत्र लिहिले होते. मात्र कोणतीही कारवाई झाली नाही, असं तरुणांच म्हणणं आहे.

मंत्रालयात हा प्रकार घडत असताना मुख्यमंत्री एकनाथ शिंदे, उपमुख्यमंत्री देवेंद्र फडणवीस यांच्यासह सर्व मंत्री मंत्रिमंडळ बैठकीला उपस्थित होते. मंत्रालयाला लावलेल्या संरक्षण जाळ्यांमुळे या तरुणाचा जीव वाचला आहे.