मुंबई : एसटी संपाच्या (ST Strike) काळात बडतर्फ केलेल्या कर्मचाऱ्यांना पुन्हा सेवेत घेण्यात येणार असल्याची माहिती सूत्रांकडून मिळत आहे. मुख्यमंत्री एकनाथ शिंदे (Eknath Shinde) यांनी परिवहन विभागाच्या बैठकीत हे आदेश दिल्याची माहिती मिळत आहे.

संप काळात जवळपास 118 कर्मचाऱ्यांना बडतर्फ केलं आहे. या सर्व कर्माचाऱ्यांना पुन्हा सेवेत घेण्याचे आदेश मुख्यमंत्र्यांनी दिली आहे.

एसटी महामंडळाचे राज्य सरकारमध्ये विलीनीकरण करावे, या मागणीसाठी एसटी कर्मचाऱ्यांनी 27 ऑक्टोबर 2021 पासून काम बंद आंदोलन सुरू केले होते. जवळपास सहा महिने एसटी कर्मचाऱ्यांचा संप सुरू होता. (Latest Marathi News)

मार्च 2022 मध्ये न्यायालयाच्या हस्तक्षेपानंतर कर्मचाऱ्यांनी कामावर येण्यास सुरुवात केली. मात्र काही कर्मचारी आपल्या मागण्यांवर ठाम होते. त्यामुळे सरकारचा आदेश झुगारुन अनेकांना कामावर रुजू होण्यास नकार दिला. या सर्व कर्मचाऱ्यांवर शिस्तभंगाची कारवाई परिवहन विभागाने कारवाई केली होती.