मुंबई : आचारसंहित लागू होण्याआधी महायुतीकडून राज्यपाल नियुक्त आमदारांची यादी तयार करण्यात आली आहे. राज्यपाल नियुक्त आमदारांसाठी ७ जणांचे नावे पाठवण्यात आल्याची माहिती सूत्रांनी दिली आहे. महायुतीकडून उद्या १२ पैकी ७ राज्यपाल नियुक्त आमदार शपथ घेण्याची शक्यता आहे.

राज्यपाल नियुक्त ७ आमदारांच्या नावावर शिक्कामोर्तब झाल्याची माहिती सूत्रांनी दिली आहे. भाजप ३, शिवसेना २, राष्ट्रवादी अजित पवार गट २ असा महायुतीचा फॉर्म्युला ठरल्याचं बोललं जात आहे.

राष्ट्रवादीकडून पंकज भुजबळ आणि इंद्रिस नाईकवाडी यांच्या नावाची शिफारस करण्यात आल्याचं बोललं जात आहे. शिवसेनेकडून मनीषा कायंदे आणि हेमंत पाटील यांच्या नावाची शिफारस केल्याचं बोललं जात आहे. तर भाजपकडून चित्रा वाघ, विक्रांत पाटील आणि बाबू सिंग राठोड यांची नावे पाठवण्यात आली आहेत. राठोड हे बंजारा समाजाचे धर्मगुरू आहेत. या आमदारांचा उद्या तीन वाजता शपथविधी सोहळा होण्याची शक्यता आहे.