सचिन गाड आणि आवेश तांदळे

Mumbai News :

मुंबईत ईडीचं ५ ते ६ ठिकाणी धाडसत्र सुरु आहे. दादरमधील सुप्रसिद्ध साडीचे दुकान भरतक्षेत्रवर देखील धाडक टाकली आहे. ईडीच्या धाडीचं कारण अद्याप समोर आलेलं नाही. ईडीची टीम दुकानात पोहचली असून सर्च ऑपरेशन सुरु केलं आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मिळालेल्या माहितीनुसार, बुधवारी सकाळी 7 ते 8 वाजेच्यादरम्यान 20 ते 25 ईडीच्या अधिकाऱ्यांनी धाड टाकली. दादरच्या गर्दीच्या ठिकाणी हे दुकान असल्याने आजूबाजूच्या परिसरात चर्चेचा विषय बनला आहे. भरतक्षेत्र दुकानाचे मालक मनसुख गाला यांची देखील चौकशी केली जात आहे.

ईडीचे अधिकारी भरतक्षेत्र दुकानाचे मालक मनसुख गाला यांच्या घरी देखील चौकशीसाठी पोहोचले आहेत. ईडीचे अधिकारी दादर येथील त्रिशला इमारती मधील 4 फ्लॅटची देखील चौकशी करत आहेत.

भरतक्षेत्र दुकान मालक गाला यांचे या त्रिशला इमारतीत 4 फ्लॅट्स आहेत. त्रिशला इमारत भरतक्षेत्र दुकासमोरच आहे.