पुणे : प्रसिद्ध बांधकाम व्यावसायिक अविनाश भोसले (Avinash Bhosale) हे सध्या न्यायालयीन कोठडीमध्ये आहेत. अशातच आता त्यांच्या मुलाच्या अडचणींमध्ये वाढ झाल्याचं पाहायला मिळत आहे. अविनाश भोसले यांचा मुलगा अमित भोसले (Amit Bhosale) यांच्याविरुद्ध आता ईडीने (ED) न्यायलायात दोषारोपपत्र दाखल केले आहे.

मागील वर्षीपासून सुरू असलेल्या या चौकशीमध्ये "एआरए प्रॉपर्टीज" व अन्य २ जमिनीच्या प्रकरणात हे ६ हजार पानी दोषारोपपत्र दाखल करण्यात आले आहे. अविनाश भोसले यांचे "एबीआयएल" हे मुख्यालय सरकारी अधिकारी यांच्यासाठी राखीव असलेल्या जागेवर आहे.

ही जमीन ED ने मागील वर्षी ऑगस्ट महिन्यात जप्त केली होती. ईडीने ऑगस्ट 2021 मध्ये या प्रकरणाशी संबंधित चार कोटी रुपयांची मालमत्ता जप्त केली होती. सदर जमिनीवर भोसले यांची 'ABIL' आणि इतर कंपन्यांची कार्यालयं आहेत.

पाहा व्हिडीओ -

ED ने २०१६ मध्ये भोसलेंविरुद्ध मनी लाँड्रिंग प्रकरणी गुन्हा दाखल केला होता. त्यानुसार, संबंधित सरकारी जमीन केवळ सरकारला हस्तांतरीत करता येऊ शकते, असं असताना देखील ही जमीन एका व्यक्तीने "एआरए" कंपनीला हस्तांतरित करीत नियम मोडले आहेतक.

मनी लाँड्रिंगच्या कारवाई दरम्यान, अनेक ठिकाणी शोध आणि जप्तीची कारवाई करण्यात आली. त्या कागदपत्रावरून "ईडी"ने अवनाश भोसले यांच्या मुलाविरुद्ध कारवाई केलीअसून याबाबतचं दोषारोप पत्र आता न्यायालयात दाखल करण्यात आलं आहे.

अविनाश भोसले व व्यावसायिक सत्येन टंडन यांच्याविरुद्ध केंद्रीय अन्वेषण विभागाने (CBI) न्यायालयात दोषारोपपत्र दाखल केले होते. हे दोषारोपपत्र येस बँक डीएचएफएलमध्ये (डिएचएफएल) तीन हजार 700 कोटी रुपयांच्या घोटाळ्याप्रकरणी आहे. घोटाळ्याप्रकरणी सुरवातीला CBI ने त्यांना अटक केली होती त्यांनतर त्यांची ईडीने चौकशी केली. चौकशी दरम्यान त्यांना ईडीने अटकही केली आहे.

Edited By - Jagdish Patil