सुशांत सावंत -

मुंबई : आज दिवाळी आहे मात्र आजच्या दिवशीच अंबडमध्ये एका ST कर्मचाऱ्याने आत्महत्या केली. वणी येथील कर्मचाऱ्याचा कारवाईच्या धसक्याने मृत्यू झाला आहे. त्यामुळे एसटी कर्मचाऱ्यांच्या आयुष्यात आजचा दिवस हा दिवाळीचा शुभ दिवस नव्हे तर काळा दिवस म्हणून आला असल्याचं वक्तव्य भाजपा आमदार गोपिचंद पडळकर (BJP MLA Gopichand Padalkar) यांनी केलं आहे. सरकार ST कर्मचाऱ्यांचा विषय फक्त कोर्टाच्या कचाट्यात अडकवत असल्याचा आरोपही त्यांनी यावेळी केला आहे.

हे देखील पहा -

आम्ही एसटी कर्मचाऱ्यांच्या बाजूने उभे आहोत. वकिलांची फौज देखील आम्ही उभी करत आहोत त्यामुळे एसटी कर्मचाऱ्यांना विनंती आहे की, त्यांनी आत्महत्येसारखा मार्ग अवलंबून नये असं आवाहन त्यांनी एसटी कर्मचाऱ्यांना केलं. आजपर्यंत 31 ते 32 लोकांनी आत्महत्या केल्या तरी सरकारवर काय फरक पडला आहे का? त्यामुळे आत्महत्या हा मार्ग अवलंबून नका आम्ही आपल्या पाठीशी उभे आहोत असही ते म्हणाले.

Edited By - Jagdish Patil