Dehu Nagarpanchayat News :

पावणे अकरा कोटी रुपयांची थकीत रक्कम वसूल व्हावी यासाठी देहू नगरपंचायत प्रशासनाने प्रयत्न सुरु केले आहेत. थकीत मिळकत कर वसुलीसाठी थकबाकीदारांच्या घरासमोर ढाेल पथकाच्या माध्यमातून ढोल (dhol) वाजवून थकीत रक्कम भरावी अशी आग्रहाची मागणी वसूली पथक मिळकतधारकांना करीत आहे. (Maharashtra News)

देहू नगरपंचायतीच्या हद्दीतील मिळकत धारकांची सुमारे साडेतेरा कोटी रुपये मिळकतकर थकबाकी आहे. त्यापैकी पावणेतीन कोटी रुपयांची वसुली झाली आहे. अद्यापही जवळपास पावणे अकरा कोटी रुपयांची थकीत रक्कम वसूली व्हायची आहे.

थकबाकीदारांची मिळकत कर भरण्यासाठी नगरपंचायत प्रशासनाने वेळोवेळी दवंडी पेटवत सूचना नोटीस बजावून कर भरण्यासाठी नागरिकांना आवाहन केले होते. दसरा दिवाळी सणामुळे करदात्यांना वेळही देण्यात आला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

अद्याप अनेक मिळकत धारकांनी थकीत कर भरला नाही. त्यामुळे थकबाकीदारांच्या घरासमोर जाऊन ढोल बडवून थकबाकीदारांकडून वसुली व्हावी यासाठी जनजागृती करण्यात येत आहे अशी माहिती देहू नगरपंचायतीच्या मुख्याधिकारी निवेदिता काटकर (chief officer nivedita katkar) यांनी साम टीव्हीशी बाेलताना दिली.

Edited By : Siddharth Latkar