कल्याण :  कल्याणामध्ये महाराष्ट्र दिन (Maharashtra Day) आणि कामगार दिनानिमित्त कामगार संघटनेच्या वतीने बाईक रॅलीचे आयोजन करण्यात आले होते. या रॅलीचे उद्घाटन अभिनेत्री दीपाली सय्यद (Deepali Syed) यांच्या हस्ते करण्यात आले. यावेळी पत्रकारांशी बोलताना राज्याचे विरोधी पक्षनेते देवेंद्र फडणवीस (Devendra Fadnavis) यांना टोला लगावला तसंच मनसे अध्यक्ष राज ठाकरे यांना देखील सय्यद यांनी चिमटा काढला आहे.

हे देखील पाहा -

भोंग्याच्या वादावरून थेट मुख्यमंत्री उद्धव ठाकरे (Uddhav Thackeray) यांना लक्ष्य केल्यानंतर आता दीपाली सय्यद यांनी फडणवीस यांना टोला लगावला आहे. दीपाली सय्यद म्हणाल्या, काय बोलायचं या गोष्टीला, फडणवीसांनी घरात बांधलेली म्हैस, दावणीला बांधलेली म्हैस शिवसेनेच्या वाटेवर सोडू नये अन्यथा मी पुन्हा येईन मी पुन्हा येईन हे स्वप्नच राहील. असा टोला त्यांनी फडणवीसांना लगावला त्याचबरोबर मनसे अध्यक्ष राज ठाकरे यांच्या औरंगाबाद मधील सभेबद्दल बोलताना आजपर्यंत ते कुठेही विजयी झालेले नाहीत. आतातरी विजयी व्हावेत असे म्हणत राज ठाकरे (Raj Thackeray) यांना चिमटा काढला.

Edited By - Jagdish Patil