डोंबिवली: कोपर आणि अंबरनाथ रेल्वे स्थानकातील संभाव्य गर्दी लक्षात घेऊन पंतप्रधान नरेंद्र मोदी, केंद्रीय रेल्वे राज्यमंत्री रावसाहेब दानवे यांनी त्या ठिकाणी होम प्लॅटफॉर्मची निर्मिती करून लाखो प्रवाशांना दिलासा दिला असे आमदार रवींद्र चव्हाण यांनी सांगितले. मुंबईत केंद्रीय मंत्री रावसाहेब दानवे, केंद्रीय मंत्री कपिल पाटील, केंद्रीय मंत्री रामदास आठवले, विरोधीपक्ष नेते देवेंद्र फडणवीस, विधानपरिषद विरोधी पक्षनेते प्रवीण दरेकर, आमदार रवींद्र चव्हाण आदी मान्यवरांच्या उपस्थितीत रेल्वेसेवा प्रकल्पांचे लोकपर्ण संपन्न झाले. (Dedication of Kopar Home Platform by Raosaheb Danve)

हे देखील पहा -

कोपरच्या पश्चिमेला हा होम प्लॅटफॉर्म असून त्याचा लोकार्पण सोहळा बुधवारी रावसाहेब दानवे यांच्या हस्ते संपन्न झाला. अशाच पद्धतीने आगामी काळात जिथे आवश्यकता असेल त्या सर्व ठिकाणी पादचारी पूल, एस्क्लेटर, होम प्लॅटफॉर्मस् आदी निर्णय झपाट्याने घेऊन त्याची अंमलबजावणी करण्यावर त्यांचा भर असल्याचे या प्रकल्पांवरून स्पष्ट होत असल्याचे आमदार चव्हाण यांनी सांगितले. तसेच अंबरनाथ स्थानकातील फलाट 280 मीटर लांबी आणि ८ मीटर लांब तर कोपर स्थानकातील 308 मीटर लांब ७.५ मीटर रुंद असे त्याचे स्वरूप आहे.

Edited By - Akshay Baisane