शिवाजी काळे -

Shivsena Symbol Dispute: शिवसेनेचे धनुष्यबाण चिन्ह हे नक्की कोणाचे या संदर्भात आज एकनाथ शिंदे आणि उद्धव ठाकरे (Eknath Shinde and Uddhav Thackeray) गटाच्या वकिलांनी निवडणूक आयोगासमोर आपापली कागदपत्रं सादर केली आहेत. त्यानंतर आता निवडणूक आयोग काय निर्णय घेणार याकडे सर्वांचं लक्ष लागून राहिलं आहे.

ठाकरे गटाच्या वतीने वकील देवदत्त कामत यांनी निवडणूक आयोगात कागदपत्र सादर केली आहेत. तर शिंदे गटाच्या वतीने वकील उत्सव त्रिवेदी यांनी कागदपत्र सादर केली. यामध्ये ठाकरे गटाच्या वतीने १८० राष्ट्रीय कार्यकारणीच्या प्रतिनिधींची यादी निवडणूक आयोगाकडे सादर करण्यात आल्याची माहिती सुत्रांनी दिली आहे.

पाहा व्हिडीओ -

दरम्यान, आज सादर केलेल्या कागदपत्रासंदर्भात निवडणूक आयोगानेlection Commission) दोन्ही गटाची सोमवारी सुनावणी घेणार असल्याची माहिती देखील खात्रीलायक सुत्रांनी दिली आहे. त्यामुळे धनुष्यबाण संदर्भात दोन्ही गटाचं म्हणणं ऐकूण घेऊन सोमवारी पक्षाचा निर्णय होणार असल्याची माहिती मिळतं आहे.

अंधेरी पूर्व विधानसभा पोटनिवडणुकीच्या पार्श्वभूमीवरती हा निर्णय होण्याची शक्यता आहे. तर दुसरीकडे कागदपत्र सादर करण्यासाठी वेळ वाढवून देण्याची ठाकरे गटाने मागणी केली आहे. शिवसेनेच्या दोन्ही गटांनी पक्षाच्या नावावर आणि चिन्हावर हक्काची कागदपत्रे निवडणूक आयोगाकडे सादर केली आहेत. (Andheri East Assembly by-election)

आयोगाच्या सूत्रांनी दिलेल्या माहितीनुसार, कागदपत्रांची तपासणी करून सोमवारी बैठक होण्याची शक्यता आहे. तर शिंदे गटात 40 आमदार, 12 खासदार आणि 1.5 लाख प्रतिनिधी असून या सर्वांचे प्रतिज्ञापत्र जोडलेले आहे. शिवसेनेवरील (Shivsena) आमचा दावा मान्य झाला पाहिजे अशी मागणी शिंदे गटाकडून करण्यात येत आहे.

तर दुसरीकडे, उद्धव ठाकरे गटानेही आपल्या दाव्याची कागदपत्रे ज्येष्ठ वकील देवदत्त कामत यांच्यामार्फत पाठवली असून सध्या 180 राष्ट्रीय कार्यकारिणी सदस्यांची यादी जोडली आहे. अडीच लाख प्रतिनिधींची प्रतिज्ञापत्रे गोळा करण्यासाठी दोन ते तीन आठवडे लागतील त्यामुळे ठाकरे गटाने केंद्रीय निवडणूक आयोगाकडे ४ आठवड्यांचा अवधी मागितला आहे. तर शिंदे गटाने ७ लाख प्राथमिक सदस्यांची नावं सादर करण्यात आली आहेत तर याबाबातच प्रतिज्ञापत्र नंतर सादर करण्यात येणार आहे.

Edited By - Jagdish Patil