मुंबई - देशात कोरोना विषाणूच्या ओमिक्रोन या व्हेरिएंटचे शुक्रवारी ७ नवे रुग्ण आढळून आले आहेत. नवे सातही रुग्ण परदेशाहुन परतलेले आहे. ओमिक्रोनच्या या वाढत्या रुग्णसंख्येबाबत देशाच्या कोरोना कृतिदलाचे प्रमुख आणि निती आयोगाचे सदस्य डॉ. व्ही. के. पॉल यांनी धोक्याचा इशारा दिला आहे.
काल (१० डिसेंबर) मुंबईमध्ये तीन आणि पिंपरी-चिंचवडमध्ये ओमिक्रोनचे चार रुग्ण आढळून आले आहे. त्यात एका ३ वर्षांच्या मुलीचा समावेश आहे. एक रुग्ण धारावीतील रहिवासी असल्याची माहिती समोर आली आहे. त्यामुळे आता राज्य सरकारने मुंबईमध्ये दोन दिवसांच्या जमावबंदीचे आदेश लागू केले आहेत.
ओमिक्रोनच्या पार्श्वभूमीवर मुंबईमध्ये ११ आणि १२ डिसेंबर रोजी कलम १४४ लागू करण्यात आले. राज्यातील ओमीक्रॉनच्या एकूण रुग्णांची संख्या १७ वर गेली आहे. ओमिक्रोन या नव्या व्हेरिएंटमुळे संसर्गाचा धोका वाढू नये यासाठी मुंबईत प्रतिबंधात्मक उपाययोजना म्हणून निर्बंध लावण्यात आले आहेत.
Edited By - Shivani Tichkule
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.