पालघर : बोईसर परिसर एका तरुणीवर भरदिवसा गोळीबार (Firing) झाल्याची धक्कादायक घटना समोर आली आहे. प्रेम प्रकरणातून हा गोळीबार केल्याचा प्राथमिक अंदाज बोईसर पोलिसांकडून व्यक्त केला जात आहे. या गोळीबारात तरुणाची मृत्यू झाला आहे. या घटनेमुळे परिसरात तणावाचं वातावरण आहे. (Palghar News)

स्नेहा दिनेशकुमार मेहतो असं गोळीबारात मृत्यूमुखी पडलेल्या तरुणीचं नाव आहे. बोईसरमधील टीमा हॉस्पिटलजवळ हा गोळीबार झाला. गोळी करणाऱ्या आरोपीची ओळख पटली असून कृष्णा यादव असे त्याच नाव आहे.

स्नेहावर गोळीबार केल्यानंतर कृष्णा पळून जाण्याचा तयारीत होता. मात्र घाईघाईत पळून जाण्याच्या तयारीत असताना कृष्णाच्या बाईकचा अपघात झाला. त्यावेळी स्थानिकांच्या आणि पोलिसांच्या मदतीने त्याला रुग्णालयात दाखल करण्यात आलं. मात्र उपचारादरम्यान आरोपीचाही मृत्यू झाला आहे. बोईसर पोलिसांकडून अधिक तपास सुरू आहे.