पुणे - पुण्यातील Pune वेनिसा डिसूजा व अली जाफरी या बांधकाम व्यावसायिकांवर खंडणी मागितल्याचा आरोप करत हेमंत मोटाडू यांनी डिसूजा व जाफरी यांच्या विरुद्ध सीआयडी ऑफिस संगम पूल येथे खंडणी विभागात एफआयआर FIR दाखल केली आहे. १ कोटी ३६ लाख मोबदला देवून हेमंत मोटाडू यांनी सर्वे नं ११८ च होली बुद्रुक येथे ५ हेक्टर ३५ आर व्ही जमीन २० मार्च २०१३ रोजी हिरानंदाणी प्रॉपर्टी प्रा.लि. मुंबई यांच्याकडून रितसर रजिस्टर्ड खरेदी खत करून घेतली होती. खरेदी खत झाल्यानंतर त्यांना माहीत पडले की आपल्याला विकली गेलेली जमीन अली जाफरी यांनी हिरानंदाणीला २००५ मध्ये हस्तांतर केली होती.

हे देखील पहा -

या सर्व प्रकारांमध्ये संपूर्ण मोबदला घेवून अली जाफरी यांनी एकदा विकलेली जमीन पुन्हा त्याच्या ऑफिसमध्ये काम करणारी बाई वेनिसा डिसूजा यांना फसवणूक करून चतुराईने १८/१०/२०१२ रोजी खरेदी खत करून दिले होते. ही फसवणूक केल्यानंतर पैशाची भूक भागत नसल्याने २०/१२/२०२० रोजी अली जाफरी यांनी हेमंत मोटाडू यांना कोहिनूर हॉटेल,एमजी रोड,येथे बोलावून मला ३० कोट रुपये दे मग मी तुला या जमिनीची एनओसी देतो, अन्यथा मी तुझे नुकसान करीन अशी धमकी दिली.

याच आधारे हेमंत मोटाडू यांनी अली जाफरी राहणार ८ नेपियन रोड, पुणे कॅम्प व वेनिसा डिसूजा, यांच्या विरुद्ध सीआयडी ऑफिस संगम पूल येथे खंडणी विभागात एफआयआर दाखल केली आहे जाफरी आणि डिसुझा फरार आहेत खंडणी पथक त्यांचा शोध घेत आहे.

Edited By - Shivani Tichkule