सुशांत सावंत, सुरज सावंत

मुंबई - ड्रेनेजच्या टाकीत गाय अडकल्याची धक्कादायक घटना घडली आहे. ही घटना कबुतर खाना परिसरात घडली आहे. आज सकाळी साडेआठ वाजताच्या सुमारास ही घटना घडली. ड्रेनेमध्ये अडकलेल्या गायीला (Cow) बाहेर काढण्याचे शर्थीने प्रयत्न सुरु आहेत. ड्रेनेज (Drainage) टाकीच्या झाकणावर गाय उभी असताना, झाकण सरकून गाय ड्रेनेमध्ये पडल्याची माहिती समोर आली आहे. गंगू नामदेव शिंदे असे या गायीच्या मालकीणचे नाव आहे.

हे देखील पहा -

सध्या मुंबई महानगरपालिका आणि अग्निशमन दलाचे कर्मचारी गायीला बाहेर काढण्याचे प्रयत्न करत आहेत. घटनास्थळी बीएमसीचे कर्मचारी देखील उपस्थित आहेत. गायीला सुखरुप बाहेर काढण्याचे शर्थीचे प्रयत्न करण्यात येत आहे.

नेमकं काय घडलं?

प्राप्त माहितीनुसार, दादर भागात असलेल्या भवानी शंकर रोडवरील कबुतर खाना परिसरात सकाळी साडेआठ वाजताच्या सुमारास हा प्रकार घडला. गाय ड्रेनेज टाकीच्या झाकणावर उभी होती. यावेळी अचानक झाकण सरकलं आणि गाय ड्रेनेज पडली. अशी माहिती तिथे उपस्थित असलेल्या लोकांनी दिली आहे. सध्या या गायीला सुखरुपरित्या बाहेर काढण्याचे प्रयत्न सुरु आहेत. आजूबाजूचा भाग खोदून तिला बाहेर काढण्याचे प्रयत्न सुरु आहेत. गायीला इजा होऊ न देण्याचा प्रयत्न जवान करत आहेत. गाय टाकीत पडल्यानंतर बघ्यांची गर्दी झाली. त्यामुळे परिसरात काही काळ वाहतूक कोंडी निर्माण झाली होती.

Edited By - Shivani Tichkule