Cordelia Cruise Corona Update: मुंबई : मुंबईत ग्रीन गेट येथे कॉर्डेलिया क्रूझ काल मंगळवारी (4 जानेवारी) आल्यानंतर त्यावरील 60 बाधित रुग्णांना भायखळा येथील रीचर्डसन आणि क्रुडास जम्बो कोव्हिड केंद्र आणि इतर विविध हॉटेल्समध्ये दाखल केले आहे. जहाजावरील एकूण 1 हजार 827 प्रवाशांची कोव्हिड तपासणी करुन, त्यांच्या स्वॅबचे नमुने 2 वैद्यकीय प्रयोगशाळेमार्फत घेण्यात आले आहेत (Cordelia Cruise Corona Update 1827 Passengers Corona test taken).

या सर्व प्रवाशांचे चाचणी अहवाल आज बुधवारी (5 जानेवारी) दुपारपर्यंत अपेक्षित आहेत. बाधित रुग्णांच्या वाहतुकीसाठी 17 आसनी क्षमतेच्या 5 रुग्णवाहिका तैनात केल्या आहेत.

ज्यांचे अहवाल नकारात्मक आले आहेत, अशा सर्व रुग्णांना 7 दिवस गृह विलगीकरण सक्तीचे केले आहे. तर कोरोना (Corona) पॉझिटीव्ह व्यक्ती पुन्हा रिचर्डसन आणि क्रुडास किंवा सशुल्क हॉटेल्समध्ये असतील. कायदा व सुव्यवस्थेच्या दृष्टिकोनातून पुरेसा पोलीस बंदोबस्त पुरविण्यात आलेला आहे.

Edited By - Nupur Uppal