Eknath Shinde News : मुख्यमंत्री एकनाथ शिंदे (Eknath Shinde) यांनी शिवसेनेच्या धनुष्यबाण चिन्हाबाबत एक मोठं विधान केलंय. मेरीटनुसार धनुष्यबाण चिन्ह हे आम्हालाच मिळणार असा दावा शिंदेंनी केला आहे. याशिवाय ठाकरे गटाचा (Uddhav Thackeray) शिंदेंनी प्रायव्हेट लिमिटेड कंपनी असा उल्लेखही केला. (Eknath Shinde vs Uddhav Thackeray)

'55 पैकी 40 आमदार हे आमच्यासोबत आहेत. त्यांच्या मतांची आकडेवारी 39 लाख होते. तसेच 18 पैकी 12 खासदार आमच्यासोबत आहे त्यांच्या मतांची आकडेवारी 69 लाख, म्हणजे 70 टक्क्यांपेक्षा जास्त संख्याबळ आमच्याकडे त्यामुळे मेरीटनुसार, धनुष्यबाण आम्हालाच मिळाला पाहिजे आणि तो मिळेलच', असं एकनाथ शिंदे यांनी म्हटलं आहे. (Maharashtra News)

पुढे बोलताना एकनाथ शिंदे म्हणाले की आमची बाळासाहेबांची शिवसेना तर आलेलीच आहे. बाळासाहेबांचे विचार आणि भूमिका आम्ही पुढे घेऊन चाललो आहे. समोर कुठली कंपनी आलेली आहे माहित नाही. पण धनुष्यबाण हा नियमानुसार आम्हालाच मिळेल. (Latest Marathi News)

लोकशाहीमध्ये बहुमताला महत्व आहे. घटना आहे नियम आहे कायदा आहे कायद्याबाहेर आम्हाला काहीच नको, आम्ही कायद्याच्याबाहेर कुठलंही काम केलं नाही. म्हणून तर कोर्टाने देखील कायद्याप्रमाणे निर्णय दिला आहे', असंही मुख्यमंत्री एकनाथ शिंदे म्हणाले.

केंद्रीय निवडणूक आयोगाने शिवसेनेचं धनुष्यबाण चिन्ह गोठवलं. त्यानंतर ठाकरे आणि शिंदे गटाला नवीन चिन्ह देण्यात आलंय. अंधेरी पोटनिवडणुकीच्या पार्श्वभूमीवर ठाकरे गटाने 'धगधगती मशाल' तर शिंदे गटाने ढाल तलवार हाती घेतलीये. याशिवाय शिंदे गटाला बाळासाहेबांची शिवसेना, तर ठाकरे गटाला शिवसेना उद्धव बाळासाहेब ठाकरे असं नाव देण्यात आलंय.

Edited By - Satish Daud