अभिजीत देशमुख, कल्याण
श्री श्रीनिवास महोत्सवाच्यानिमित्ताने सर्वांच्या आयुष्यात सुखाचे आणि आनंदाचे दिवस येत राहोत, अशी सदिच्छा मुख्यमंत्री एकनाथ शिंदे यांनी डोंबिवली येथे व्यक्त केली. आज रविवारी मुख्यमंत्री एकनाथ शिंदे यांनी तिरुपती देवस्थान, श्रीनिवास महोत्सवाला हजेरी लावली. डोंबिवलीतील प्रीमिअर मैदानात हा महोत्सव पार पडला. त्यावेळी ते बोलत होते. (Latest Marathi News)
मुख्यमंत्री एकनाथ शिंदे पुढे म्हणाले की, आज श्री श्रीनिवास महोत्सवाच्या माध्यमातून हा परिसर पावन,पवित्र, मंगलमय झालाय. तिरुपती बालाजी हे तुम्हा सर्वांच्या आयुष्यात सुख-समृद्धी-समाधान-आनंद आणतात. ते माणसाचे आयुष्य बदलून टाकतात. त्याला दुःखातून सुखात आणतात. आपल्या सर्वांच्या आयुष्यातील दुःख निघून जावो'. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
'मागील वर्षी जून महिन्यामध्ये नवी मुंबईत तिरुपती बालाजी मंदिराचा भूमीपूजन सोहळा संपन्न झाला. त्या मंदिराचे काम लवकरच पूर्ण होईल. त्यामुळे लवकरच नवी मुंबईतच तिरुपती बालाजीचे दर्शन घेता येईल. आज या महोत्सवाच्या माध्यमातून हजारो लोकांना साक्षात तिरुपती बालाजीचे दर्शन झाले. त्यांना येथील पूजेत सहभागी होता आले, प्रसादाचा लाभ घेता आला, असेही मुख्यमंत्री शिंदे म्हणाले.
शिंदे म्हणाले की, पंतप्रधान नरेंद्र मोदी यांच्या प्रयत्नांनी अयोध्या येथे राम मंदिर निर्माण झालं. त्यांच्या हस्ते अबूधाबीतही मंदिराचे लोकार्पण झालं. देशातील राममय वातावरणामुळे सर्वत्र आनंदाचे आणि उत्साहाचे वातावरण आहे.
उपमुख्यमंत्री देवेंद्र फडणवीस उपस्थितांना शुभेच्छा देताना म्हणाले की, श्री श्रीनिवास कल्याण महोत्सवाच्या माध्यमातून साक्षात भगवान तिरुपती बालाजीचे दर्शन झाले.तसेच प्रसादाचाही लाभ घेता आला. खासदार डॉ. श्रीकांत शिंदे आणि त्यांच्या सर्व सहकाऱ्यांचे विशेष धन्यवाद. तिरुपती बालाजी त्यांच्या भक्ताची इच्छा पूर्ण करतात हा सर्वानुभव आहे. त्यामुळे हा महोत्सव सर्वांच्या मनोकामना पूर्ण करणारा ठरो, या सदिच्छा'.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.