(सचिन गाड)

CM Eknath Shinde Accepted Aditya Thackeray Challenge:

काही दिवसांपूर्वी आदित्य ठाकरे यांनी थेट मुख्यमंत्र्यांविरोधात निवडणूक लढवण्याचे आव्हान दिलं होतं. आज मुख्यमंत्री शिंदे यांनी डीप क्लीन ड्राईव्ह अंतर्गत रविवारी वरळी भागात स्वच्छता मोहीम राबवली. यामुळे वरळीत स्वच्छता मोहीम राबवल्यामुळे मुख्यमंत्र्यांनी हे चॅलेंज स्वीकारल्याच्या चर्चा राजकीय वर्तुळात रंगू लागल्या आहेत.(Latest News)

गेल्या आठवड्यात आपण मुख्यमंत्र्यांच्या मुलाविरोधात नाही तर थेट मुख्यमंत्र्यांविरोधात ठाण्यातून निवडणूक लढवण्यास तयार आहे असल्याचं आदित्य ठाकरे (Aditya Thackeray) म्हणाले होते. आदित्य ठाकरेंच्या या आव्हानानंतर अवघ्या काही दिवसातच मुख्यमंत्री (Chief Minister) स्वतःवरळीत साफसफाई करताना दिसले. आदित्य ठाकरे यांच्या मतदारसंघात साफसफाई करत असल्याबाबत मुख्यमंत्र्यांना प्रश्न करण्यात आला. त्यावर उत्तर देताना मुख्यमंत्र्यांनी उत्तर दिलं की, आपण संपूर्ण मुंबई साफ करत असून अडीच वर्षाची घाण साफ करत आहोत.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

आदित्य ठाकरेंच्या मतदारसंघात अशाप्रकारे स्वच्छता मोहीम राबवणे, उद्घाटन आणि रोड शो करण्यावरून मुख्यमंत्र्यांनी आदित्यचं चॅलेंज स्वीकारलं असल्याच्या चर्चा राजकीय वर्तुळात सध्या चर्चा सुरू आहे.