Pune Chandani Chowk Bridge: गेल्या अनेक दिवसांपासून पुण्यातील चांदणी चौकाचे काम सुरू होते. हे काम अखेर आता पूर्ण झाले असून आज या रस्त्याचा उद्घाटन सोहळा आहे. या उद्घाटन सोहळ्यात उपस्थित राहण्यासाठी उपमुख्यंमंत्री अजित पवारांनी मेट्रो ट्रेनने प्रवास केलाय. (Latest Chandani Chowk Bridge Inauguration)

उपमुख्यमंत्री अजित पवारांनी रुबी हॉल ते वनाज कॉर्नरपर्यंत मेट्रोने प्रवास केला आहे. चांदणी चौकाच्या नव्या पुलाच्या उद्घाटनात लवकर पोहचण्यासाठी त्यांनी मेट्रोने प्रवास केलाय. प्रवासावेळी मेट्रोमध्ये गर्दी असल्याने त्यांनी काहीवेळ उभ्याने प्रवास केला. तसेच प्रवाशांसोबत गप्पाही मारल्या.

रस्ते व वाहतूक मंत्री नितीन गडकरी यांच्या हस्ते चांदणी चौकातील पुलाचे उद्घाटन होत आहे. उपमुख्यमंत्री अजित पवारांनी याआधी वंदे भारत एक्सप्रेसने देखील प्रवास केला होता. सध्या त्यांच्या मेट्रो ट्रेनमधील प्रवासाची चर्चा होतेय.