डोंबिवली : रिक्षा (Rickshaw) चालकाच्या गळ्यातील सोन्याची चेन (Gold chain) ओढून चोरटा पसार झाल्याची घटना सीसीटीव्हीमध्ये कैद झाली असून हे सीसीटीव्ही फुटेज सोशल मीडियावर प्रचंड व्हायरल (Viral) होत आहे.  रस्त्याच्या कडेला उभ्या असलेल्या रिक्षामध्ये रिक्षाचालक आराम करत होता. संध्याकाळी ७.१२ वाजण्याच्या सुमारास एक चोरटा (Chain Snatcher) त्या रिक्षाचालकाच्या गळ्यातील सोन्याची चेन घेऊन पसार झाला. सदर घटना ही सीसीटीव्हीत (CCTV) कैद झाली असून १४ एप्रिल रोजीची ही घटना आहे. सदर घटना डोंबिवलीतील असल्याचे बोलले जात आहे. मात्र, ही घटना नेमकी कुठल्या परिसरातील आहे, हे अद्यापही समजले नाही आहे.