मुंबई : मध्य रेल्वेने (Central Railway) 'शून्य भंगार मोहीम' हाती घेतली असून या मोहिमे अंतर्गत मध्य रेल्वेचे सगळे विभाग भंगार साहित्यापासून मुक्त करण्याचा रेल्वेप्रशासनाचा मानस आहे . या उपक्रमामुळे शेकडो कोटींचा महसूल देखील मध्य रेल्वेच्या तिजोरीत जमा झाला आहे.

या मोहिमे अंतर्गत २०२१-२२ या आर्थिक वर्षात (In The Financial Year) २३ मार्च २०२२ पर्यंत भंगारातून ५०५ कोटी ८५ लाख रुपये इतकं महसूल रेल्वेने मिळवलंय . या वर्षभरात ४०० कोटी रुपयांचं भंगार विक्रीचं लक्ष मध्य रेल्वेने ठेवलं होतं . पण सध्या मिळालेलं महसूल ठेवलेल्या लक्षपेक्षा २६.४६ टक्के अधिक आहे . 'शून्य भंगार मोहीम' अंतर्गत या भंगार साहित्यात खराब झालेले रुळ, पर्मनंट-वे साहित्य, निरुपयोगी डबे, वॅगन आणि इंजीन इत्यादींचा समावेश आहे .

मागच्या आर्थिक वर्षात म्हणजेच २०२०-२१ या वर्षात ३५० कोटी रुपयांचा भंगार विक्रीचं लक्ष्य ठेवण्यात आलं होतं, पण त्याहून अधिक तब्बल ३९१ कोटी ४३ लाख रुपयांचे भंगार मध्य रेल्वेने विक्री केलं होतं.

Edited By - Jagdish Patil