पुणे: पुण्यातील (Pune) उत्तमनगर परिसरात वाढदिवसाला टोळक्याकडून कोयते फिरवत तसेच दगडफेक केल्याची घटना समोर आली आहे. येथे भर रस्त्यात टोळक्याकडून वाढदिवस साजरा करण्यात येत होता. यावेळी किरकोळ कारणावरुन त्यांच्यात वाद झाले. यावेळी टोळक्याने परिसरातील नागरिकांना शिवीगाळ करत गाड्यांची तोडफोड केली.

या प्रकरणी सचिन दिलीप राठोड(२४) याला अटक करण्यात आली असून, त्याचे साथीदार शुभम संदीप ठाकूर सोन्या खाडे, अक्षय राठोड यांच्यावर गुन्हा दाखल करण्यात आला आहे. या प्रकरणी या गुंडांच्या विरोधात तक्रार दाखल करण्यात आली आहे.

पोलिसांनी (police) दिलेली माहिती अशी, संशयीत आरोपी शुभम ठाकूर याचा शिवशक्ती चौकात वाढदिवस साजरा करण्यात येत होता. आरोपींचा परिसरातील काहींसोबत वाद झाला होता. वाढदिवस साजरा करत असताना टोळक्याकडून दहशत माजविण्याचा प्रयत्न करण्यात आला आहे.