वसई/विरार: नालासोपाऱ्यात इमारतीचा छत कोसळल्याची घटना घडली आहे. यामध्ये 4 जण जखमी झाले आहेत, तर एकाची प्रकृती नाजूक असल्याची माहिती आहे. मध्यरात्री घरातील सर्वजण झोपेत असताना ही घटना घडलीये (Building Slab Collapse in Nalasopara).

नेमकं काय घडलं?

नालासोपारा (Nalasopara) पश्चिमेला हनुमाननगर येथे ही घटना घडली. येथे मध्यरात्री 12 वाजताच्या सुमारात घराचा स्लॅब कोसळून (Slab Collapse) खाली पडलाय या घटनेत घरातील चार व्यक्ती जखमी झाले आहेत, तर एकाची प्रकृती नाजूक आहे. रात्री घरातील सर्व कुटुंबीय झोपलेले असताना अचानक ही घटना घडली.

नालासोपारा पश्चिम येथील जयकृष्ण इमारतीत जाधव कुटुंब राहातं. ते रात्री झोपलेले असताना त्यांच्यावर घराच्या मोठा छताचा स्लॅब कोसळला. यामध्ये प्रशांत जाधव हे गंभीर जखमी झाले आहेत. त्यांची प्रकृती गंभीर असून त्यांना मुंबईतील नायर रुग्णालयात उपचारासाठी हलवण्यात आले आहे. जेव्हा ही घटना घडली तेव्हा घरात 8 जण असल्याची माहिती आहे.

Edited By - Nupur Uppal