Uddhav Thackeray vs Eknath Shinde Saam TV
मुंबई/पुणे

सर्वात मोठी बातमी! शिंदे आणि ठाकरे गटाची नावं ठरली; ठाकरेंच्या हाती मशाल

आत्ताच्या घडीची आणि राज्याच्या राजकारणातील महत्वाची आणि मोठी बातमी समोर आली आहे.

ब्युरो रिपोर्ट, साम टीव्ही, मुंबई

मुंबई: आत्ताच्या घडीची आणि राज्याच्या राजकारणातील महत्वाची आणि मोठी बातमी समोर आली आहे. ती म्हणजे अनेक दिवसांचा शिवसेनेच्या नावाचा आणि चिन्हाचा वाद निवडणूक आयोगाने निकाली काढला आहे.

निवडणूक आयोगाने आता उद्धव ठाकरे (Uddhav Thackeray) यांच्या गटाला मशाल हे चिन्ह दिलं आहे. तर एकनाथ शिंदे (Eknath Shinde) यांच्या गटाला 'बाळासाहेबांची शिवसेना' हे नाव तर उद्धव ठाकरेंच्या गटाला 'शिवसेना उद्धव बाळासाहेब ठाकरे' हे नाव देण्यात आलं आहे. त्यामुळे आता दोन्ही गटांच्या नावाचा वाद मिटला असला तरी शिंदे यांच्या गटाच्या चिन्हाचा वाद मिटला नाहीये.

पाहा व्हिडीओ -

शिंदे गटाने निवडणूक आयोगाकडे त्रिशुल, उगवता सुर्य आणि गदा ही चिन्ह मिळावी अशी मागणी केली होती. तर ठाकरे गटाने त्रिशुल, उगवता सुर्य, गदा आणि मशाल हे चिन्ह सादर केले होते. त्यानुसार आता निवडणूक आयोगाने दोन्ही गटाची धार्मिक चिन्ह रद्द केली आहेत.

त्यामुळं शिंदे गटाचं गदा हे चिन्ह रद्द केलं जाणार आहे. तर दुसरीकडे दोन्ही गटांनी त्रिशुल आणि उगवता सुर्य हे चिन्ह सादर केली होती ही चिन्ह सारखीच असल्यामुले ही चिन्ह रद्द करण्यात आली आहेत. त्यामुळे मशाल हे चिन्ह ठाकरे गटाला मिळालं आहे. तर शिंदे गटाला चिन्हासाठी आणखी वाट बघावी लागणार आहे.

दरम्यान, शिंदे गटाला मिळालेलं 'बाळासाहेबांची शिवसेना' हे नाव उद्धव ठाकरेंना मोठा धक्का मानला जात आहे. मात्र शिंदे गटाने सूचवलेले तीन चिन्ह निवडणूक आयोगाने देण्यास नकार दिला आहे. त्यामुळे शिंदे गटाना नव्याने उद्यापर्यंत चिन्ह सूचवावी लागणार आहेत.

उद्धव ठाकरेच खरे शिवसेनेचे वारसदार - भास्कर जाधव

उद्धव ठाकरेच खरे शिवसेनेचे वारसदार आहेत. उद्धव ठाकरे पहिल्याच राजकीय लढ्यात यशस्वी झाले आहे. बाळासाहेब ठाकरे नाव आमच्यासोबत राहिलं आहे. बाळासाहेब ठाकरे हे नाव नागरिकांच्या नसानसात आहे, असं शिवसेनेचे नेते भास्कर जाधव यांनी म्हटलं.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

डिलिमिटेशन बिलासाठी खासदारांचा भाव 150 कोटी; राऊतांचा भाजपवर खळबळजनक आरोप

मामाच्या मुलीशी लग्नावर बंदी येणार? नातेवाइकांमधील विवाह रोखण्यासाठी नवा कायदा?

Maharashtra News Live Update: चाकणमध्ये बेशिस्त वाहतुकीचा फटका; पुणे-नाशिक महामार्गावर वाहनांच्या लांबच लांब रांगा

ते एक वर्षभरापूर्वीचं वक्तव्य अन् सोने-चांदीचा भाव गडगडला; PM नरेंद्र मोदींनी सांगितलं नेमकं कारण

बारामतीत गोळीबाराचा थरार! आलिशान कारमधून आलेल्या उद्योजकावर धडाधड गोळ्या झाडल्या

SCROLL FOR NEXT