अजय दुधाणे

अंबरनाथ : बोगस पत्रकारांनी Journalist एका भंगार विक्रेत्याकडून ४५ हजार रुपयांची खंडणी उकळल्याचा प्रकार अंबरनाथमध्ये Ambarnath समोर आला आहे. याप्रकरणी पोलिसांनी Police एका महिलेसह तिघांना बेड्या Arrest ठोकल्या आहेत.

हे देखील पहा-

अंबरनाथच्या फॉरेस्ट नाक्यावर शनिवारी दुपारच्या सुमारास हा प्रकार घडला. जांभूळ फाटा भागात राहणाऱ्या विशाल कसोधन याचं फॉरेस्ट नाक्यावर भंगार विक्रीचं दुकान आहे. या दुकानात शनिवारी दुपारी श्रद्धा तिवारी, ब्रिजेश तिवारी आणि अजय रोकडे यांच्यासह अन्य तीन महिला गेल्या आणि त्यांनी दुकानात गेल्या. त्या तिघांनी चित्रीकरण Shooting सुरू करत आमच्याकडे तुमची तक्रार आली आहे, असं सांगत साप्ताहिक पोलीस ऑफिसर, जीवनधारा एनजीओ अशी ओळ्खपत्रं दाखवली आणि पत्रकार असल्याच भासवलं.

यानंतर, चालक अजय रोकडे यांच्यामार्फत त्यांनी या विक्रेत्याकडे २ लाख रुपयांची खंडणी मागितली. मात्र तडजोड करून ४५ हजार रुपये घेऊन हे भामटे तिथून फरार झाले. मात्र इतक्यात तिथे पोलीस दाखल झाले. यानंतर पोलीस आणि स्थानिकांनी पाठलाग करून पळून जात असलेल्या श्रद्धा तिवारी, ब्रिजेश तिवारी आणि अजय रोकडे यांना पकडलं.

तर अन्य तीन महिला पळून जाण्यात यशस्वी झाल्या. या घटनेनंतर अंबरनाथ पोलिसांनी आधी या तिघांवर फसवणुकीचा गुन्हा दाखल केला. मात्र नंतर खंडणीचाही गुन्हा त्यांच्यावर दाखल करण्यात आला आहे. अटक करण्यात आलेले तिघेही मुंबईचे राहणारे असून त्यांच्यावर यापूर्वीही एक गुन्हा दाखल असल्याची माहिती पोलिसांनी दिली आहे. या तिघांनाही सध्या पोलीस कोठडी सुनावण्यात आली असून त्यांच्या इतर तीन महिला साथीदारांचा पोलीस शोध घेत आहेत.

Edited By-Sanika Gade