पुणे मनपाच्या (Pune PMC) महिला अधिकाऱ्याला फोनवरून शिवीगाळ केल्या प्रकरणी भाजपा आमदार सुनील कांबळें वर गुन्हा दाखल होण्याची शक्यता आहे. आमदारांनी शिवीगाळ केल्याप्रकरणी मनपाच्या अधिकारी शिर्के यांचा जबाब बंडगार्डन पोलीसानी नोंदवून घेतला आहे. ठेकेदाराचे बिल काढण्यासाठी मनपाच्या अधिकारी शिर्के यांच्याशी फोनवरून बोलताना आमदारांनी अश्लील भाषेत शिवीगाळ केली होती.

दरम्यान पुण्यातील (Pune) भाजपचे (Bjp Mla) आमदार सुनील कांबळे (Sunil Kamble) यांची एक ऑडिओ क्लिप (Audio Clip) मागच्या काही दिवसात व्हायरल झाली होती. या ऑडिओ क्लिपमध्ये आमदार कांबळे यांनी पुणे महानगरपालिकेच्या एक वरिष्ठ महिला अधिकारी सुष्मिता शिर्के यांना शिवीगाळ केल्याचं समोर आलं. परंतु स्वत: काबंळेंना हा आवाज त्याचं नसल्याचं स्पष्टिकरण दिलं होतं.

ड्रेनेज विभागातील काम करण्यासाठी पुणे महापालिकेतील महिला अधिकारी सुष्मिता शिर्के यांना कार्यकर्त्याच्या फोनवरून फोन करुन शिव्या दिल्याची तक्रार शिर्के यांनी दिली होती. काही कामासाठी वरीष्ठांची परवानगी घ्यावी तेव्हा आमदारांनी शिवीगाळ केली. महिला अधिकारी आणि आमदार सुनील कांबळे यांच्यात जवळपास 2 मिनिटाचं संभाषण झालं. या संभाषणाची ऑडिओ क्लिप तूफान व्हायरल झाली आहे.

Edited By: Pravin Dhamale