सुशांत सावंत -

मुंबई : अमोल कोल्हे हे नाटककार आहेत, चित्रपटात काम करणारे कलाकार आहेत. ते कलाकारासारखेच वागणार नथुरामाना (Nathuram) विरोध दाखवायचा आणि पुन्हा पैसे मिळतात म्हणून कृत्य करायचे हा यांचा धंदा आहे. राष्ट्रवादी काय शिवसेना काय काँग्रेस काय (NCP, Shivsena, Congress) चेहऱ्यावर एक दाखवायचं करायचं वेगळं. अशी घणाघाती टीका भाजप आमदार प्रसाद लाड यांनी अमोल कोल्हेंसह राष्ट्रवादी पक्षावरती केली आहे.

काल अमोल कोल्हेंनी (Amol Kolhe) सिनेमामध्ये नथुराम ही भुमिका साकारली म्हणून महात्मा गांधींच्या पुतळ्याला अभिवादन करत आत्मक्लेश केला होता आणि यावरुनच आज लाड यांनी ते पैशांसाठी असली कृत्य करतात ते कलाकारच आहेत अशी टीका केली आहे.

सामना सकाळच्या कामासाठी उपयोगाचा -

दरम्यान त्यांनी यावेळी सामनावरती (Samana) देखील जहरी टीका केली आहे 'सामना वाचत तरी कोण? सामना फक्त आता सकाळच्या कामासाठी उपयोगाचा आहे.' संजय राऊत काय बोलतात काय लिहितात याला महत्व देऊ नये, तसंच संजय राऊतांनी (Sanjay Raut) युतीबाबत आम्हाला शिकवू नये आताच्या नवीन शिवसेनेसोबत भाजपला युती करायची नाही. पूर्वी जी युती होती ती बाळासाहेब ठाकरे (Balasaheb Thackeray) यांच्या सेनेसोबत होती. उद्धव ठाकरे यांच्यासोबतच्या युतीची आम्हाला गरज नाहीये असंही लाड म्हणाले आहेत. तसंच या बजेटमधून निश्चित काहीतरी चांगले मिळेल असा विश्वासदेखील त्यांनी यावेळी व्यक्त केला.

Edited By - Jagdish Patil