Mumbai News : उद्धव ठाकरे यांच्या विदर्भ दौऱ्यावर भाजप-शिवसेनेच्या ठाकरे गटाचे नेते आमने-सामने आले आहेत. अरविंद सावंत यांच्या टीकेला भाजप आमदार प्रसाद लाड यांनी प्रत्युत्तर दिलं आहे.

काल परवापर्यंत घरी बसलेले, झोपी गेलेली जागे झाले. उकळत्या पाण्याला खळखळाट फार अशी, परिस्थिती अरविंद सांवतजी तुमची झाली आहे. तुम्ही बावनकुळे साहेबांबद्दल बोलत असातना तोंड सांभाळून बोलावं, अशी विनंतीवजा इशारा भाजप आमदार प्रसाद लाड यांनी केली.

तुमचा बॉस नावाचा पोपट मरायला आला आहे. म्हणून घराबाहेर आला आहे. अडीच वर्षात मुख्यमंत्री असताना घरातून कधी बाहेर पडले नाहीत, जनतेला भेटले नाहीत, मानेला पट्टे लावून फिरलात. आता तुम्ही आम्हाला सांगता बानवकुळे साहेब खुळे आहेत. बावनकुळे साहेब महाराष्ट्राचं नेतृत्व आहे. त्यामुळे चंद्रशेखर बावनकुळेजी यांच्यावर बोलताना तोंड सांभाळून बोला, अन्यथा तुमचे कपडे फाडू, असा इशाराही प्रसाद लाड यांनी अरविंद सावंत यांना दिला आहे.

काय म्हणाले होते बावनकुळे?

सत्ता असताना अडीच वर्षांत अडीच दिवस मंत्रालयात जाण्यासाठी ज्यांना वेळ मिळाला नाही ते उद्धव ठाकरे आता तब्बल दोन दिवसांच्या विदर्भ दौऱ्यावर येत आहेत. मुख्यमंत्री असताना उद्धव ठाकरेंना कधीही विदर्भातील जनतेची आठवण झाली नाही; आता मात्र विदर्भाचा पुळका आलेला दिसतोय, अशी टीका चंद्रशेखर बावनकुळे यांनी केली होती. (Political News)

काय म्हणाले होते अरविंद सावंत?

बावनकुळेंच्या टीकेला उत्तर देताना अरविंद सावंत यांनी म्हटलं की, देशाचे पंतप्रधान किती फिरले ते सांगावे. कोरोनात कोण फिरत होतं? योगी फिरत होते का, गुजरातचे मुख्यमंत्री फिरले का, दाखवा व्हिडिओ. जणाची नाही तर मनाची लाज ठेवा. गंगेमध्ये प्रेत वाहत होते. ज्यांनी प्राण वाचवले त्यांचं कौतुक नाही.

घरात बसून कारभार करता करता उद्धव साहेब कुटुंब प्रमुख झाले. लोकांच्या हृदयात कधी स्थान मिळवलं कळलंही नाही. हेच स्थान डळमळीत करण्यासाठी भाजपकडून प्रयत्न केले जात आहेत, त्याची दखल घेण्याची गरज नाही, असं अरविंद सावंत यांनी म्हटलं.

Publish By- Pravin Wakchoure