मुंबई: शिवसेना (Shivsena) आणि भाजप नेत्यांमध्ये सध्या आरोप प्रत्यारोप सुरु आहेत. महाराष्ट्र दिनानिमित्त भाजपने मुंबईत सभा घवून शिवसेनेवर टीका केली होती. या पार्श्वभूमीवर शिवसेना प्रमुख उद्धव ठाकरे १४ मे दिवशी मुंबई सभा घेणार आहेत. या सभेची जाहिरात सुरु आहे. यावर भाजप नेते किरीट सोमय्या यांनी टीका केली आहे. 'या सभेत उद्धव ठाकरेंनी भ्रष्टाचाराच्या आरोपांवर उत्तरे द्यावीत, असं आव्हान किरीट सोमय्या (Kirit Somaiya) यांनी केलं आहे.

उद्धव ठाकरे (Uddahv Thackeray) यांना त्यांच्यावर आणि त्यांच्या मंत्र्यांवर होणाऱ्या भ्रष्टाचाराच्या आरोपांवर उत्तरे देता येत नाहीत, म्हणून ते टीव्हीवर सभेचे टीझर चालवून दिशाभूल करत असल्याचा आरोप किरीट सोमया यांनी केला आहे.

उद्धव ठाकरे यांच्या मेहुण्यावर साडे सहा कोटींच्या घोटाळ्याचा आरोप आहे. आदित्य ठाकरे यांच्यावर सात कोटींच्या भ्रष्टाचाराचा आरोप केला आहे. या प्रश्नांचे उत्तर उद्धव ठाकरे यांनी द्यावे असे किरीट सोमया म्हणाले.

उल्हासनगरातील धोकादायक इमारतींच्या प्रश्नावर भाजपचे धरणे आंदोलन सुरू आहे. या आंदोलनात माजी खासदार किरीट सोमय्या सहभागी झाले होते. सोमय्या यांना ट्विटरवुरन धमकी आली असल्याचा आरोप केला. यावर पोलिसांनी २४ तासात कारवाई करा असा इशाराही त्यांनी पोलिसांना दिला आहे. यावेळी त्यांनी पोलीस आयुक्त संजय पांडे यांच्यावरही टीका केली.

Edited By- Santosh Kanmuse