भाजप नेते आणि सामाजिक कार्यकर्ते हाजी अराफत शेख यांच्या वाहनाचा भीषण अपघात झाला आहे. त्यांचा अपघात पनवेल परिसरात झाला असून, या अपघातात त्यांच्या पायाला किरकोळ जखम झाल्याची माहिती समोर आली आहे. सध्या त्यांना तातडीने वैद्यकीय उपचारासाठी रूग्णालयात दाखल करण्यात आले आहे. त्यांची प्रकृती स्थिर असल्याची माहिती समोर आली आहे.

प्राथमिक माहितीनुसार, हाजी अराफत शेख हे पनवेलच्या दिशेने प्रवास करत असताना, समोरून येणाऱ्या वाहनाने अचानक ब्रेक मारल्यामुळे त्यांचे वाहन त्यावर आदळले. यामध्ये त्यांना पायाला दुखापत झाली असून, वाहनाचेही नुकसान झाले आहे. घटनेनंतर शेख यांना तात्काळ उपचारासाठी जवळच्या रुग्णालयात हलवण्यात आलं.

त्यांच्या पायाला गंभीर दुखापत झाले असून, प्रकृती स्थिर असल्याची माहिती समोर आली आहे. या घटनेनंतर पोलिसांनी तत्काळ घटनास्थळी धाव घेत तपासणीला सुरूवात केली आहे.