मुंबई महानगरपालिकेच्या तोंडावर असताना भाजपमध्ये मोठी उलथापालथ झालीय. मुख्यमंत्री देवेंद्र फडणवीस, रवींद्र चव्हाण यांच्या नेतृत्वात आज मुंबईमध्ये झालेल्या बैठकीत नव्या मुंबई अध्यक्षांची घोषणा करण्यात आली. ऐन निवडणुकीच्या काळात भाजपच्या कार्यकारणीने असा निर्णय घेतल्यानं अनेकांच्या भुवया उंचावल्या. आता मुंबई भाजपचे सूत्र आमदार अमित साटम यांच्या हाती असणार आहेत. पण भाजपने असा निर्णय का घेतला? त्यामागे काय रणनीती आहे. याची माहिती भाजप नेते आणि राज्य सांस्कृतिक मंत्री आशिष शेलार यांनी दिलीय.

साम टीव्हीच्या ब्लॅक अँण्ड व्हाईट या सदरात दिलेल्या मुलाखतीत आशिष शेलार यांनी भाजपची रणनीती सांगितलीय. मुंबई महापालिकेत भाजपची रणनीती काय? मुंबई महापालिकेत उद्धव ठाकरेंना रोखण्यासाठी भाजपचा प्लॅन काय? मराठीबाबत भाजपची काय भूमिका आहे, या सर्व प्रश्नांची उत्तर आशिष शेलार यांनी दिली आहेत.