पुणे : आरोग्य विभागाच्या गट 'क' पेपरफुटी प्रकरणात, पुण्याच्या सायबर विभागाच्या पथकाने बीडमधून आणखी एका जिल्हा परिषद शिक्षकाला उचलले आहे. नागरगोजे नामक हा शिक्षक (Teacher) असून गेल्या 15 दिवसांपासून पुण्याचे पथक बीडमध्ये (Beed) या शिक्षक नागरगोजेचा शोध घेत होते. पेपटफुटी प्रकरणात बीडच्या शिरूर (Shirur) तालुक्यातील, तितरवणी येथील शिक्षक उध्दव प्रल्हाद नागरगोजे याला अटक (Arrested) करण्यात आली आहे.

हे देखील पहा-

उध्दव नागरगोजेचा आणि या गळाला लागलेल्या जिप शिक्षक नागरगोजेचा जवळून संबंध असल्याचे स्प्ष्ट झाले आहे. बीड जिल्ह्यातील (district) उध्दव प्रल्हाद नागरगोजे, प्रशांत व्यंकट बडगीर, डॉ.संदीप त्रिंबकराव जोगदंड, शाम महादू मस्के, नामदेव विक्रम करांडे इतक्या आरोपींना आतापर्यंत अटक करण्यात आली आहे. या सगळ्यांनी वेगवेगळ्या अधिकाऱ्यांना आणि परीक्षा घेणाऱ्या आयटी कंपन्यांमधील काही लोकांना हाताशी धरून आरोग्य विभागाच्या प्रश्नपत्रिका फोडण्याचा प्रयत्न केला आहे.