विनोद जिरे

बीड: बीड जिल्ह्यातील कायदा आणि सुव्यवस्थेचे वरून आता जिल्ह्यातील नेत्यांमध्ये चांगल्याच आरोप- प्रत्यारोपांच्या फैरी झाडत राजकारण तापलं आहे. तर याच जिल्ह्यातील कायदा आणि सुव्यवस्थेच्या प्रश्नावरून राष्ट्रवादीचे आमदार संदीप क्षीरसागर (MLA Sandeep Kshirsagar) यांनी, जिल्ह्यात मटका, जुगार, वेश्याव्यवसाय सावकारकी कशा स्वरुपात चालू आहेत, हे सांगितलं होतं. या त्यांच्या लक्षवेधीवर आता शिवसेना (Shivsena) माजी जिल्हाप्रमुख सचिन मुळूक यांनी गंभीर आरोप केले असून वरिष्ठांकडे तक्रार देखील केलीय.

यावेळी सचिन मुळूक म्हणाले की, आमदार संदीप क्षीरसागर यांनी विधानसभेच्या सभागृहात लक्षवेधी मांडली. जिल्ह्यातील कायदा आणि सुव्यवस्थेचा प्रश्न सांगितला. मात्र संदीप क्षीरसागर यांनी जे सांगितलं, त्यातील मटका, जुगार, सट्टा, सावकारकी हे सर्व चालवणारे जे लोक आहेत, ते संदीप क्षीरसागर यांचेचं कट्टर कार्यकर्ते, समर्थक आहेत. आणि त्यांच्याच आशीर्वादाने हा सर्व धंदा सुरू आहे. असा गंभीर आरोप सचिन मुळूक यांनी केलाय. तर याच विषयी सचिन मुळूक यांनी राष्ट्रवादीचे सर्वेसर्वा शरद पवार, मुख्यमंत्री उद्धव ठाकरे यांच्याकडे लेखी तक्रार देखील केलीय.

हे देखील पहा-

तर या आमदारांनी बीड जिल्ह्याची अब्रू वेशीवर टांगली असुन, जिल्हा बदनाम होण्यापासून वाचवा. अस देखील त्यांनी यावेळी म्हटलंय. दरम्यान जिल्ह्यातील कायदा आणि सुव्यवस्थावरून मुंडे भगिनी आणि भाऊ धनंजय मुंडे यांच्यात चांगलाचं राजकारण तापले आहे. त्याचबरोबर भाजप आणि राष्ट्रवादीचे जिल्हाध्यक्षांमध्ये देखील पत्रकबाजी वॉर सुरू आहेत. त्यात आता शिवसेनेने उडी घेतल्याने, बीडचं राजकारण चांगलंच तापलल्याचं दिसून येत आहेत.