बदलापूर : मद्यधुंद पतीनं (husband) पत्नीच्या (wife) डोक्यात हातोड्याने प्रहार केल्याची घटना बदलापूरात घडली आहे. या घटनेमुळे परिसरात एकच खळबळ उडाली हाेती. दरम्यान याप्रकरणी बदलापूर (badalapur) पूर्व पोलिसांनी पतीला बेड्या (arrest) ठोकल्या आहेत. (badlapur news)

बदलापूरच्या खरवई परिसरातील काथोडवाडी झोपडपट्टीत गोरख भोईर (gorakh bhoir) हा पत्नी सवितासोबत वास्तव्याला आहे. शुक्रवारी रात्री ११ च्या सुमारास सविता घरी असताना गोरख भोईर हा मद्यधुंद अवस्थेत तिथं आला आणि तिच्याशी भांडू लागला.

याच वादात गोरख यानं हातोड्याने सविताच्या डोक्यात प्रहार केला. यामध्ये जखमी झालेल्या सविताला तातडीनं बदलापूर ग्रामीण रुग्णालयात नेण्यात आलं. तिथं तिच्यावर उपचार करून घरी सोडण्यात आलं. या घटनेप्रकरणी बदलापूर पूर्व पोलीस ठाण्यात गुन्हा दाखल करण्यात आला असून पोलिसांनी गोरख याला अटक केली आहे.

Edited By : Siddharth Latkar