- सचिन कदम

Alibaug News : बाईक ऑन रेंट या व्यावसायाच्या (Bike On Rent In Alibaug) विरोधात आलिबाग येथील रिक्षाचालक आज (शनिवार) आक्रमक झाल्याचे पाहायला मिळाले. सर्व चालकांनी व्यवसाय बंद ठेवत पाेलीस ठाण्यावर धडक माेर्चा काढला. दरम्यान शहराील रिक्षा वाहतुक बंद राहिल्याने प्रवाशांचे हाल झाले. (Maharashtra News)

पर्यटनस्थळ असलेल्या अलिबाग येथे दुचाकी भाड्याने देण्याचा व्यवसाय जोरात सुरू आहे. या व्यवसायाला उपप्रादेशिक परिवहन विभागाची (RTO) कुठलीही परवानगी नाही. हा सर्व व्यवसाय बेकायदेशीर सुरु आहे असा दावा रिक्षा चालकांनी केला आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान अनधिकृता व्यावसायिकांना उपप्रादेशिक परिवहन विभागाने नोटीसा बजावल्याचे सांगितले जात आहे. तरीही हा व्यवसाय बिनदिक्कतपणे सुरू असल्याने त्या विरोधात रिक्षा चालकांनी आंदोलन छेडले आहे.

आज आलिबाग शहरातील जवळपास 350 रिक्षा चालकांनी रिक्षा वाहतुक बंद करुन आंदाेलनात सहभाग नाेंदविला आहे. बाईक ऑन रेंट मुळे रिक्षा व्यवसायावर मोठा परिणाम होत आहे. हा अनधिकृत व्यवसाय बंद झाला नाहीतर तीव्र आंदोलन (aandolan) छेडण्याचा इशारा रिक्षा चालकांनी प्रशासनास देखील दिला आहे.

Edited By : Siddharth Latkar