Palghar News:

राज्यात अंगणवाडी सेविकांचा संप (anganwadi sevika strike) सुरू असून आजपासून (शुक्रवार) आशा वर्कर (asha worker) देखील संपावर जाणार आहेत. त्यामुळे ग्रामीण भागात विशेषतः पालघर सारख्या कुपोषणाचा आकडा मोठा असलेला जिल्ह्यात पुन्हा एकदा कुपोषण वाढीची भीती व्यक्त हाेऊ लागली आहे. (Maharashtra News)

दरम्यान या संप काळात पालघर जिल्ह्यातील तीव्र कुपोषित आणि अति तीव्र कुपोषित बालकांना पालघर जिल्हा परिषदेचे कर्मचारी आणि अधिकाऱ्यांकडून दत्तक घेतले जाणार आहे. याबाबतची माहिती पालघर जिल्हा परिषदेचे अध्यक्ष प्रकाश निकम यांनी साम टीव्हीशी बाेलताना दिली.

निकम म्हणाले संप सुरू असेपर्यंत पालघर जिल्ह्यातील तीव्र कुपोषित आणि अति तीव्र कुपोषित बालकांचे पालकत्व जिल्हा परिषदेच्या कर्मचारी आणि अधिकारी यांनी स्वीकारले आहे. पालकत्व स्वीकारलेल्या अधिकारी आणि कर्मचारी यांच्याकडून या कुपोषित बालकांच नीट संगोपन होतं की नाही हे पाहण्यासाठी प्रत्येक तालुक्यात आरोग्य विभागाचे कर्मचारी निरीक्षक म्हणून काम पाहणार आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पालघर जिल्ह्यात आधीच उपोषणाचा आकडा मोठा असताना या संपामुळे पुन्हा एकदा यात वाढ होण्याची भीती व्यक्त केली जात असल्याने पालघर जिल्हा परिषदेने हा स्तुत्य उपक्रम हाती घेतला आहे. या उपक्रमामुळे निश्चितच कुपोषणाची संख्या घटेल असा विश्वास व्यक्त होत आहे.

Edited By : Siddharth Latkar