Anil Deshmukh News : राष्ट्रवादीचे नेते व माजी गृहमंत्री अनिल देशमुख तब्बल सव्वा वर्षानंतर शनिवारी पहिल्यांदाच नागपुरात येणार आहेत. तुरुंगातून सुटका झाल्यानंतर माजी गृहमंत्री अनिल देशमुख आज पहिल्यांदाच नागपुरात येणार आहेत.

त्या पार्श्वभूमीवर अनिल देशमुख यांच्या स्वागतासाठी कार्यकर्ते आणि कुटुंबीयांनी जय्यत तयारी केली असून नागपूर (Nagpur) विमानतळावरून मोठी बाईक रॅली काढण्यात येणार आहे. भ्रष्टाचाराचे आरोप झाल्यानंतर ईडीने देशमुख यांना अटक केली होती. ते तब्बल सव्वा वर्ष कारागृहात होते.

अनिल देशमुख यांना न्यायालयाने मुंबईबाहेर जाण्याची परवानगी दिल्यानंतर आज ते त्यांच्या नागपूर येथील स्वगृही परत येणार आहेत. नागपूरला आल्यावर अनिल देशमुख (Anil Deshmukh) सहकुटुंब आधी वर्धा मार्गावरील साईबाबा मंदिरात दर्शन घेतली.

त्यानंतर संविधान चौकात जाऊन डॉ. बाबासाहेब आंबेडकर यांच्या पुतळ्याला अभिवादन करतील. त्यांच्या स्वागतासाठी राष्ट्रवादीच्या कार्यकर्त्यांनी जोरदार तयारी केली आहे. शहरात ठिकठिकाणी पोस्टर लावण्यात आले आहेत.