Andheri (East) bypoll: अंधेरी पूर्व येथे होणाऱ्या विधानसभा पोट निवडणूक प्रकरण कोर्टाच्या निर्णयावर अवलंबून आहे. ठाकरे गटाच्या उमेदवार ऋतुजा लटके (Rutuja Latke) यांचा राजीनामा महापालिकेने अद्याप मंजूर केलेला नाही. त्यामुळे आता ठाकरे गटाने मुंबई उच्च न्यायालयात धाव घेतली आहे. (Bombay High Court)

लटके या मुंबई महापालिकेत कार्यरत असून दिवगंत पती रमेश लटके यांच्या निधनानंतर त्या पोट निवडणुकीसाठी शिवसेना उद्धव बाळासाहेब ठाकरे गटाकडून उभ्या राहण्यास इच्छुक आहेत. (Shiv Sena Uddhav Balasaheb Thackeray)

मात्र, त्या कार्यरत असलेल्या मुंबई महानगर पालिकेकडे एक महिना आधी राजीनामा देऊन सुद्धा तो मंजूर होत नसल्यामुळे त्यांनी या विरोधात उच्च न्यायालयात धाव घेतली असून त्यांच्या याचिकेवर उद्या मुंबई उच्च न्यायालयात सुनावणी होणार असून ती उद्या ११ वाजता न्यायमूर्ती नितीन जामदार यांच्या खंडपीठापुढे होणार आहे.