रत्नागिरी जिल्ह्यामध्ये 61 सार्वजनिक तर 36 हजार 405 घरगुती गणपतीचे विसर्जन होणार आहे. त्यासाठी पोलिसांसह सरकार यंत्रणा सज्ज झाल्या आहेत. दुपारी चार नंतर जिल्ह्यातल्या बहुतांश भागात विसर्जनाला सुरुवात होईल. दरम्यान नागरिकांनी पारंपरिक पद्धतीने मिरवणुका काढाव्यात. कोणालाही त्रास होणार नाही याची खबरदारी घ्यावी असा आवाहन पोलिसांनी केले आहे.

मानाचा तिसरा गणपती गुरुजी तालीम बेलबाग चौकात दाखल

लक्ष्मी रोड वर मार्गस्थ होण्यापूर्वी वरिष्ठ पोलिस अधिकाऱ्यांकडून गणपती ची आरती

गुरुजी तालीम गणपती ची मूर्ती आकर्षक फुलांच्या रथात विराजमान

परळच्या महाराजाची विसर्जन मिरवणूक सुरु झाली आहे. या विसर्जन मिरवणूकीला हजारो भाविक उपस्थित आहेत.

मुंबईतील गणपती विसर्जनासाठी मार्गस्थ झाले आहेत. परळचा सम्राट हा विसर्जनासाठी मार्गस्थ झाला आहे.

मानाचा तिसरा गणपती बेलबाग चौकात दाखल

आकर्षक फुलांच्या रथात गुरुजी तालीम गणपती दाखल

गुरुजी तालीम मंडळ बेलबाग चौकात दाखल

बेलबाग चौकात गुलालाची मुक्त उधळण

ढोल ताशाच्या गजरात गुरुजी तालीम बेलबाग चौकात पोहचला

चिंचपोकळीचा चिंतामणी विसर्जनासाठी मार्गस्थ झाला आहे. चिंतामणीवर गुलाल आणि फुलांचा वर्षाव करत आहे. ढोल-ताशांच्या गजरात चिंतामणीची मिरवणूक काढली जात आहे.

पुणे आणि परंपरेचं वेगळंच नातं आहे. दरवर्षी पुण्यात ढोल-ताशांच्या गजरात बाप्पाचे स्वागत केले जाते. पुण्यातील गणपतीच्या विसर्जनासाठीही ढोल-ताशा पथक सज्ज झाले आहे. बाप्पाला मानवंदना दिली जात आहे.

गणपती विसर्जन मिरवणुकीच्या अनुषंगाने मुंबई पोलीस दलाकडून शहरात कायदा व सुव्यवस्था राखण्यासाठी बंदोबस्त तैनात करण्यात आला आहे. नागरिकांनी विसर्जन मिरवणुकीदरम्यान पोलिसांना सहकार्य करावे तसेच संशयास्पद वस्तू अथवा व्यक्ती आढळल्यास तातडीने कळवावे. आपत्कालीन परिस्थितीत हेल्पलाईन क्रमांक 100,103 आणि 112 आणि वर संपर्क साधावा.

- नागपूरच्या राजाच्या विसर्जन मिरवणुकीला सुरुवात होतेय..

- आयोजकांच्या परिवारात शोक असल्याने अत्यंत साध्या पद्धतीने दिला जाणार बाप्पांना निरोप

- ढोल ताशा शिवाय साधेपणाने निघणार मिरवणूक

- बाप्पांची मूर्ती विसर्जन रथावर विराजमान

बेलबाग चौकात विघ्नहर्ता ढोल ताशा पथकाकडून तांबडी जोगेश्वरी मंडळासमोर वादन

पारंपरिक पद्धतीने वेशभूषा परिधान करून वादन

हत्तीची प्रतिकृती आणली असून त्यावर छत्रपत्री शिवाजी महाराज यांचा पुतळा

मावळ्यांचे वेशभूषा परिधान केलेली आहे

लालबाग राजाच्या मुख्यप्रवेशद्वाराच्या विरूद्ध मार्गावर अज्ञात व्यक्तीच्या वाहनाच्या धडकेत एका २ वर्षाच्या मुलीचा मृत्यू, तर ११ वर्षीय मुलगा गंभीर जखमी

शनिवारी पहाटे ३ ते ४ च्या सुमारास ही घटना घडली असल्याची पोलिसांची माहिती

चंद्रा वजणदार असे मृत मुलीचे नाव असून या दुर्घटनेत शैलू वजणदार हा गंभीर जखमी झाला असून त्याच्यावर परळच्या केईएम रुग्णालयात उपचार सुरू आहेत

दोन्ही मुले लालबाग राजाच्या मुख्यप्रवेशद्वाराच्या विरूद्ध असलेल्या रस्त्याच्या कडेला झोपले असताना

अज्ञात व्यक्तीने त्याची गाडी मुलांवर घालून कोणतीही वैद्यकिय मदत न देता तिथून निघून गेला

याप्रकरणी काळाचौकी पोलिस ठाण्यात अज्ञात व्यक्ती विरोधात कलम 106, 125(इ), 281, 184,187 (बी.एन.एस) 2023 भा न्या सं अंतर्गत गुन्हा दाखल करण्यात आला आहे

मानाचा पहिला गणपती १०.१५ वाजता बेलबाग चौकातून पुढे मार्गस्थ

पुण्यातील सार्वजनिक गणेश विसर्जन मिरवणुकीला सुरुवात

मानाचा पहिला कसबा गणपती पारंपरिक पालखीतून लक्ष्मी रोडच्या दिशेने मार्गस्थ

लालबागच्या राजाची शेवटची आरती संपन्न झाली आहे. लालबागच्या राजाची विसर्जन मिरवणूक थोड्याच वेळात सुरु होणार आहे. दहा दिवस मनोभावे सेवा केल्यानंतर आज लाडक्या बाप्पाला निरोप देण्याची वेळ आली आहे. त्यामुळे भाविकांचा कंठ दाटून आला आहे.

लालबागचा राजाची विसर्जनापूर्वीची उत्तरपूजा सुरु झाली आहे. थोड्याच वेळात लालबागचा राजा विसर्जनासाठी मार्गस्थ होणार आहे.

लाडक्या गणपती बाप्पाचे आज विसर्जन आहे. गणपतीचे विसर्जन मोठ्या धामधुमीत होत आहे. यासाठी मुंबईच्या रस्त्यावर ठिकठिकाणी रांगोळी काढण्यात आली आहे.

मुंबई पोलिसांनी ट्विटवरुन हेल्पलाइन नंबर जारी केला आहे. भक्तांना महत्त्वाचा सूचना दिल्या आहेत.

आज गिरगांव चौपाटी येथे गणेश विसर्जनाकरिता येणाऱ्या भाविकांना महत्वाच्या सूचना! कर्तव्यावरील पोलिसांनी दिलेल्या सुचनांचे पालन करा, मदतीकरिता बंदोबस्तावरील पोलिस, चौपाटीवरील पोलिस नियंत्रण कक्ष किंवा पोलिस हेल्पलाईन १०० / ११२ /१०३ यावर संपर्क करा.

पुण्यातील पाचव्या मानाच्या गणपतीची विसर्जन मिरवणूक सुरु झाली आहे. केसरीवाडा गणपती मार्गस्थ झाला आहे.

पुण्याचं ग्रामदैवत आणि मानाचा पहिला कसबा गणपती मंडई चौकात दाखल

पालकमंत्री अजित पवार आणि केंद्रीय राज्यमंत्री मुरलीधर मोहोळ यांच्या हस्ते पार पडणार कसबा गणपतीची आरती

कसबा गणपतीची आरती पार पडल्यानंतर पुण्याच्या विसर्जन मिरवणुकीला होणार सुरुवात

मुंबई-पुण्यातील गणपती बाप्पाचे आज विसर्जन होणार आहे. या विसर्जन मिरवणूकीत हजारो भक्त आहेत. बाप्पाच्या विसर्जनाची धामधूम पाहायला मिळत आहे.

आज लाडक्या गणपती बाप्पाला निरोप देण्याची वेळ आली आहे. आज पुण्यातील मानाच्या गणपतीचेदेखील विसर्जन होणार आहे. कसबा गणपतीची मिरवणूक सुरु झाली आहे.

कोल्हापुरातील मानाच्या तुकाराम माळी मंडळाच्या गणेश विसर्जन मिरवणूक सुरू होत असते. यंदाही सकाळी नऊ वाजता पालकमंत्री प्रकाश आबिटकर यांच्या हस्ते तुकाराम माळी मंडळाच्या गणेश मूर्तीचे पूजन करून या मिरवणुकीला सुरुवात होते. पारंपारिक वाद्यांच्या गजरामध्ये पालखीत विराजमान झालेल्या शाडू पासून तयार करण्यात आलेली श्री गणेशाची मूर्तीची मिरवणूक काढण्यात येते.

मुंबईतील गणपतींची विसर्जन मिरवणुक सुरु झाली. मुंबईच्या राजानंतर आता तेजुकाया गणपतीचीही विसर्जन मिरवणूक सुरु झाली आहे. ढोल-ताशांच्या गजरात बाप्पाचे विसर्जन होणार आहे. १० दिवस गणपतीची सेवा केल्यानंतर आता बाप्पाला निरोप देताना भाविक भावूक झाले आहेत.

* नागपूरच्या राज्याच्या आरतीला सुरुवात थोड्याच वेळात विसर्जन मिरवणूक निघणार..

* विसर्जन मिरवणूक रथाला फुलाने सजावटीचे काम सुरू,

* दहा दिवस विदर्भातून हजारो भाविकांनी घेतले नागपूरच्या राजाचे दर्शन..

मावळ तालुक्यातील अतिशय दुर्गम भाग म्हणून ओळखल्या जाणाऱ्या उकसान पठार येथे बाप्पाचे मोठ्या भक्तिमय वातावरणात विसर्जन करण्यात आले. दरवर्षी सर्व ग्रामस्थांनी गणपती बाप्पाच्या मूर्तीची आपल्या घरी प्राण प्रतिष्ठा केली होती. दहा दिवस मनोभावे पूजा अर्चा करून आज जळ अंतकरणाने बाप्पाला निरोप दिला.. दरम्यान गावातील अनेक नागरिक पुणे मुंबई येथे नोकरी निमित्ताने राहत असतात. मात्र दरवर्षी न चुकता आपल्या गावाकडे गणपती उत्सवा निमित्ताने येत असतात. गणपती विसर्जनाच्या दिवशी या भागातील लहान थोर आदिवासी महिला पारंपरिक गीत गातात तर युवकांनी धनगर समाजाचे पारंपारिक गजनृत्य करतात..दहा दिवस बाप्पाची मनोभावे पूजा अर्चा केल्यानंतर आणि बाप्पाचे विसर्जन होणार आहे.

राष्ट्रीय कला अकादमी कडून बेलबाग चौकात भव्य रांगोळी

दर वर्षी बेलबाग चौकात मानाच्या गणपती समोर रांगोळ्या काढल्या जातात

रांगोळीतून सामाजिक संदेश देण्यात आला आहे

मुख्य मिरवणुकीला ९.३० वाजता सुरुवात होणार

लोकमान्य टिळकांनी सुरू केलेल्या सार्वजनिक गणेशोत्सवाचा वारसा जपणारा पाचवा मानाचा केसरीवाडा गणपती… देशभक्ती, परंपरा आणि संस्कृतीचं दर्शन घडवणारी केसरीवाडा विसर्जन मिरवणुकीची तयारी झालीय

केसरीवाड्यातून निघणाऱ्या बाप्पाच्या मिरवणुकीत देशभक्तीची झलक नेहमीच झळकते. भगवा झेंडा, देशभक्तीपर घोषवाक्यं, पारंपरिक पोशाखातील स्वयंसेवक, आणि उत्साहाने नाचणारे कार्यकर्ते – हे केसरीवाडा गणपतीचं विसर्जन आगळं-वेगळं ठरवतं. टिळकांचा वारसा आजही या मिरवणुकीत अनुभवायला मिळतो.

गणेश गल्लीचा राजा म्हणजे मुंबईच्या राजाची मिरवणूक सुरु झाली आहे. ढोल-ताशांच्या गजरात बाप्पाला निरोप दिला जात आहे. मुंबईचा राजा मंडपातून बाहेर निघाला आहे. या विसर्जन मिरवणूकीला हजारो भक्त उपस्थित आहेत.

पुण्यातील पहिला मानाच कसबा पेठ गणपतीची मिरवणूक थोड्याच वेळा सुरु होणार आहेत. गणपकी विसर्जनासाठी पालखीमध्ये विराजमान झाला आहे.

तांबडी जोगेश्वरी गणपतीच्या मिरवणुकीला काहीच वेळात सुरवात होणार असुन ढोल-ताशांचा दणदणाट, तर महिलांच्या ओव्या, भजनी मंडळींचा गजर आणि नऊवारी साडीतुन महिलांचे पथक प्रमुख आकर्षक रहाणार असुन बाप्पाची मिरवणूक हि पारंपरिक दिंडी पद्धतीची मिरवणूक या गणपतीची खास परंपरा आहे.

सांस्कृतिक वारसा आणि ऐतिहासिक शिस्त याचं दर्शन गुरुजी तालीम गणपतीच्या मिरवणुकीत घडतं. यंदाच्या वर्षी गुरुजी तालीम मंडळाकडुन काशी विश्वनाथ मंदिराचा देखावा साकारण्यात आला होता त्यामुळे आज बाप्पाला निरोप देत असताना बाप्पाचा रथावर काशी विश्वनाथ मंदिराची प्रतिमा आकर्षक फुलांच्या सजावटीत करण्यात आली असुन हा रथ आता सज्ज झालाय तर, झांज-लेझीम पथकांचा मंजुळ नाद, पारंपरिक पोशाख, आणि शिस्तबद्ध मिरवणूक – हा वेगळाच अनुभव देणारा ठरतो.

आज बाप्पाचे विसर्जन होणार आहे. दरम्यान, पुण्यातील दगडूशेठ हलवाई गणपतीची पूजा सुरु झाली आहे. उपमुख्यमंत्री अजित पवार यांच्या हस्ते ही पूजा होत आहे.

पुण्यातील मानाचा पहिला गणपती असणाऱ्या कसबा पेठ गणपतीची मिरवणूक थोड्याच वेळात निघणार आहे. सध्या कसबा पेठ गणपतीची पूजा सुरु आहे.

मुंबईतील परळच्या राज्याची विसर्जन मिरवणूक सुरु झाली आहे. गणपतीला मोठ्या भक्तीभावाने निरोप दिला जात आहे. यानंतर मुंबईतील इतर गणपतींची मिरवणूक थोड्या वेळात निघणार आहे.

उपमुख्यमंत्री आणि पुण्याचे पालकमंत्री अजित पवार श्रीमंत दगडूशेठ हलवाई गणपती मंदिरात दाखल झाले आहेत. अजित पवारांच्या हस्ते मुख्य मंदिरात होणार पूजा आणि आरती होणार आहे. थोड्याच वेळात दगडूशेठ बाप्पा मुख्य मंदिरातील येणार आहेत. अजित पवार यांच्यासोबत सुनेत्रा पवार देखील दगडूशेठ मंदिरात उपस्थित आहेत. अजित पवार सपत्नीक दगडूशेठ बाप्पांची आरती करणार आहेत.

लालबागच्या राजाची उत्तर पूजा सकाळी साडेदहा वाजता सुरू होईल. त्या नंतर लालबागच्या राजाची आरती होईल. स्वरांजली बँड पथक द्वारे मानवंदन देण्यात येईल आणि विसर्जन मिरवणूक सुरुवात होईल.

तरुणाई मिरवणुकीसाठी मोठ्या संख्येने हजर आहेत. दोन ते तीन तास लालबागच्या राजाची मिरवणूक ही मार्केट परिसरात असेल.

सांस्कृतिक वारसा आणि ऐतिहासिक शिस्त याचं दर्शन गुरुजी तालीम गणपतीच्या मिरवणुकीत घडतं. यंदाच्या वर्षी गुरुजी तालीम मंडळाकडुन काशी विश्वनाथ मंदिराचा देखावा साकारण्यात आला होता त्यामुळे आज बाप्पाला निरोप देत असताना बाप्पाचा रथावर काशी विश्वनाथ मंदिराची प्रतिमा आकर्षक फुलांच्या सजावटीत करण्यात आली असुन हा रथ आता सज्ज झालाय तर, झांज-लेझीम पथकांचा मंजुळ नाद, पारंपरिक पोशाख, आणि शिस्तबद्ध मिरवणूक – हा वेगळाच अनुभव देणारा ठरतो.

तांबडी जोगेश्वरी गणपतीच्या मिरवणुकीला काहीच वेळात सुरवात होणार असुन ढोल-ताशांचा दणदणाट, तर महिलांच्या ओव्या, भजनी मंडळींचा गजर आणि नऊवारी साडीतुन महिलांचे पथक प्रमुख आकर्षक रहाणार असुन बाप्पाची मिरवणूक हि पारंपरिक दिंडी पद्धतीची मिरवणूक या गणपतीची खास परंपरा आहे.

पहिला मानाचा कसबा गणपतीची विसर्जन मिरवणूक चांदीच्या पालखीतुन निघणार असुन ढोल-ताशांच्या गजरात विसर्जन मिरवणुकीसाठी मार्गस्थ होतो. लाल-पांढऱ्या पारंपरिक वेशभूषेत कार्यकर्त्यांची फौज, ढोल, लेझीम, झांज पथकांचा गजर आणि 'ग्रामदैवताला निरोप' देणाऱ्या भाविकांची गर्दी परंपरा, भक्ती आणि ऐतिहासिक वारसा आजही कायम असणार असुन हे दृश्य विसर्जन मिरवणुकीत रंगत आणणारं असतं.