सुशांत सावंत -

मुंबई : शिवसेनेचे खासदार संजय राऊत (Sanjay Raut) यांनी शिवसेना भवनामध्ये आपण महत्वाची महत्वाची पत्रकार परिषद घेणार असल्याची घोषणा काल केली होती आणि त्यानुसार आज राऊत यांनी ती पत्रकार परिषद (Press conference) घेतली. या पत्रकार परिषदेच्या आधीच अनेक शिवसैनिक मुंबईमधील शिवसेना भवनाजवळ मोठ्या संख्येने उपस्थित होते.

या पत्रकार परिषदेला शिवसेना नेत्या आणि महापौर किशोरी पेडणेकर देखील उपस्थित होत्या. यावेळी राऊत यांनी केंद्रीय तपास यंत्रणा आणि किरीट सोमय्या (Kirit Somaiya) यांच्यावरती अनेक घणाघाती आरोपही केले आहेत. मात्र त्यांच्या या पत्रकार परिषदेनंतर भाजपने मात्र ही परिषद म्हणजे फुसका बार असल्याची प्रतिक्रिया दिली आहे.

अशातच आता माजी मुख्य़मंत्री देवेंद्र फडणवीस (Devendra Fadnavis) यांच्या पत्नी अमृता फडणवीस (Amruta Fadnavis) यांनी देखील त्यांच्या ट्विटर वरुन नाव न घेता राऊतांवरती निशाणा साधला आहे. 'आज फिर एक बिल्ली ने दहाड़ने की कोशिश की है !' अशा शब्दात त्यांनी राऊतांच्या पत्रकार परिषदेवरती टीका केली आहे.

Edited By - jagdish Patil