अंबरनाथ: जगभरात कोरोनाचा नवा व्हेरियंट ओमायक्रॉनने (Omicron Variant) चिंता वाढवली असताना अंबरनाथमधून एक चिंतेची बातमी समोर येतेय. कुटुंबासह परदेशात जाऊन आलेली अंबरनाथमधील ७ वर्षीय मुलगी कोरोना पॉझिटिव्ह (Corona Positive) आढळली आहे. ही मुलगी आई-वडिलांसह रशियात (Russia) फिरण्यासाठी गेली होती. २८ नोव्हेंबरला हे कुटुंब राशियाहून अंबरनाथला परतलं, त्यानंतर काही दिवसांत मुलीला त्रास होऊ लागल्यानं टेस्ट केली असता आली ही कोरोना पॉझिटिव्ह आली आहे.

हे देखील पहा -

मुलीच्या वडीलांची कोरोना टेस्ट निगेटिव्ह आली असून मुलीच्या आईचे टेस्ट रिपोर्ट येणं बाकी आहे. चिंताजनक बाब म्हणजे या मुलीची आई दोन दिवस ऑफिसलाही जाऊन आल्याचं उघड झालं आहे. या मुलीचे नमुने ओमायक्रॉनच्या तपासणीसाठी आज लॅबला पाठवणार असल्याची माहिती मिळतेय. सध्या मुलगी आणि तिचे कुटुंबीय घरीच क्वारंटाईन (Quarantine) असून इमारत सील (Seal) करणार असल्याची माहिती पालिकेने दिली आहे.

Edited By - Akshay Baisane