मुंबई - उपमुख्यमंत्री अजित पवार Ajit Pawar हे आज बेलापूर Belapur येथील सिडको Cidco मुख्यालयाला भेट देणार असून गेली अनेक वर्षे प्रलंबित प्रश्नांबद्दल सिडको प्रशासनाला जाब विचारणार आहेत. मंत्रालयात बैठक लावल्यानंतर काही मोजके अधिकारी व कार्यकर्ते यांच्या उपस्थितीत होणाऱ्या बैठकीतील निर्णयांचे इतिवृत्तांत तयार होणारा विलंब आणि त्यामुळे अधिकाऱ्यांचा चालढकलपणावर उतारा म्हणून पवार यांनी सिडको मुख्यालयातच बैठक आयोजित केली आहे.

त्यामुळे या महामंडळाच्या कामकाजात शिवसेनेव्यतिरिक्त इतर पक्षाच्या मंत्र्यांनी ढवळाढवळ करणे शिवसेनेला रुजलेले नाही. त्यामुळे नगरविकास मंत्री नाराज आहेत असे समजते या बैठकीला सेना आणि काँग्रेस यांना निमंत्रण देण्यात आले नाही फक्त अजित पवार आणि राष्ट्रवादी प्रमुख नेते बैठकीला उपस्थिती राहणार आहेत त्यामुळे सेना आणि काँग्रेस नेत्यांनी सुद्धा नाराजी व्यक्त केली आहे.

हे देखील पहा -

या बैठकीत प्रकल्पग्रस्तांनी गरजेपोटी बांधलेली घरे कायम करण्यासंदर्भात येणारी अडचण, सिडको व खासगी इमारतींच्या पुनर्विकासासाठी निर्माण झालेला दुजाभाव, गृहनिर्माण सोसायटींचे कनेवेन्स डिड, पालिकेला हस्तांतर करण्यात येणारे सार्वजनिक भूखंड या प्रमुख प्रश्नांवर पवार आदेश देण्याची शक्यता आहे.

नवी मुंबई बरोबरच आता नैना क्षेत्राचा सिडको विकास करीत असून राज्यात विमानतळ उभारणारे हे एकमेव प्राधिकरण आहे. त्यामुळे या महामंडळाकडे काही प्रश्न अनेक वर्षे प्रंलबित असून त्यावर निर्णय घेतला जात नाही. नगरविकास विभागाच्या अंतर्गत येणारे हे महामंडळ महाविकास आघाडीच्या सरकारमध्ये शिवसेनेकडे असून नगरविकास मंत्री एकनाथ शिंदे Eknath Shinde यांच्या आधिपत्याखाली त्याचे कामकाज चालत आहे.सिडको हे महामंडळ एकतर मुख्यमंत्री किंवा नगरविकास मंत्री यांच्या आधिपत्याखाली चालत असल्याचे दिसून येते.

Edited By - Shivani Tichkule