नवी मुंबई - देशात इंधन व घरगुती गॅसचे दर गगनाला भिडले असून त्यामुळे महागाई रोज नवीन उचांक गाठत आहे. अबकी बार महंगाई पे वार म्हणत केंद्रातील मोदी सरकार सत्तेवर आली. मात्र मागील 7 वर्षात जनतेचा अपेक्षाभंग करत मोदी सरकारच्या काळात महागाई उचांक गाठताना पहायला मिळत आहे.

हे देखील पहा -

इंधन व घरगुती गॅस दरवाढ विरोधात आज राष्ट्रवादी युवक काँग्रेस तर्फे केंद्र सरकार विरोधात राज्यभर आंदोलन करण्यात आले. नवी मुंबईतील दिघा येथे राष्ट्रवादी युवक काँग्रेस प्रदेशाध्यक्ष मेहबूब शेख यांच्या नेतृत्वखाली बैलगाडी चालवत घरगुती गॅसची तिरडी उचलून आंदोलन आले. यावेळी राष्ट्रवादी युवक काँग्रेसच्या कार्यकर्त्यांनी बैलगाडी चालवत वाढते पेट्रोल, डिझेलचे दर कमी करणे व घरगुती गॅसची तिरडी उचलत गॅस दरवाढ थांबवण्याची मागणी केलेय. प्रदेशाध्यक्ष मेहबूब शेख यांनी केंद्र सरकार वर जोरदार टीका करत इंधन व गॅस दरवाढ कमी करा अन्यथा अधिक तीव्र आंदोलन करण्याचा इशारा दिला आहे.

Edited By - Shivani Tichkule