मुंबई: मुंबईतील प्रसिद्ध सायन रुग्णालयात (Hospital) तब्बल १५८ झाडे तोडण्यात येणार असल्याची बाब समोर आली आहे. आणि याचा तीव्र शब्दात निषेध प्रसिद्ध अभिनेते आणि पर्यावरण प्रेमी सयाजी शिंदे (Sayaji Shinde) यांनी केला आहे. रुग्णालयाजवळ असलेल्या डॉक्टर वसाहतीच्या प्रस्तावित बांधकामासाठी ही झाडे तोडण्यात येणार आहेत. यासाठी मुंबई महापालिकेच्या वृक्ष प्राधिकरणाकडून परवानगी देखील घेण्यात आली आहे. शिवाय यातील २ झाडे देखील आज तोडण्यात आल्याची माहिती समोर आली आहे. याचं बाबींचा निषेध अभिनेते सयाजी शिंदे यांनी केला आहे. (Sayaji Shinde Latest Marathi News)

याबाबात अधिक बोलताना सयाजी शिंदे (Sayaji Shinde) म्हणाले की, ज्या रुग्णालयात जीव वाचवला जातो त्याच ठिकाणी १५८ जीव घेतलेच कसे जातात याचं आश्चर्य वाटतं आहे. कृपया माझी रूग्णालय (Hospital) प्रशासनाला विनंती आहे की, अशाप्रकारे १५८ जीव घेऊ नका. कारण यामुळे त्या झाडावर असणाऱ्या पक्षांची घरटी देखील कायमस्वरुपी मरणार आहेत. शिवाय त्यात असणारे छोटे जीव देखील मरणार आहेत. कृपया रूग्णालय प्रश्नासनाने हे टाळावे आणि इतर काही पर्याय निर्माण करता येतोय का याचा विचार करावा, अशी मागणी सयाजी शिंदे यांनी केली आहे.

Edited By- Santosh Kanmuse