अक्षय बादवे

Pune News: पुण्यातून अपघाताची एक मोठी बातमी समोर आली आहे. पुण्यातील फुरसुंगी भागात मंतरवाडी कात्रज रोड मार्गावर भीषण अपघात झालाय. यात भरधाव वेगात असलेल्या टेम्पोचं मोठं नुकसान झालंय.

मिळालेल्या अधिक माहितीनुसार, भरधाव टेम्पोचे नियत्रंण सुटल्याने टेम्पो २ दुचाकीला धडक देत चौकातील छोट्या दुभाजकावर आदळला आणि पेट्रोल पंपच्या दिशेने पलटी झाला. अपघात इतका भीषण होता की टेम्पोचे मागील दोन्ही टायर निखळले गेले.

या घटनेत टेम्पो चालक जखमी झाला असून सुदैवाने कोणती जीवितहानी झालेली नाही. याप्रकरणी हडपसर पोलीस ठाण्यात टेम्पो चालकावर गुन्हा दाखल करण्यात आला आहे. फरीद शेख (वय ३२ रा.औसा लातूर ) असे टेम्पो चालकाचे नाव आहे.

हा टेम्पोमध्ये ( एमएच १३ ए एफ ८५०१) प्लास्टिक घेऊन पुण्याहून निघाला होता. टेम्पो मंतरवाडी मार्गात आले असता, चालकाचे टेम्पो वरील नियत्रंण सुटल्याने दूचाकीला घासत चौकातील दुभाजकावर चढला आणि थेट उडून तो पुढे जाऊन पेट्रोल पंपसमोर पलटी झाला. स्थानिक नागरिकांनी मदतीसाठी धाव घेऊन टेम्पोमधील चालकाला सुखरूप बाहेर काढले आहे.