Maval Crime News : मावळातील सहाय्यक पोलीस निरीक्षक लाचलुचपत विभागाच्या सापळ्यात अडकला आहे. या अधिका-याने तब्बल एक लाख चाळीस हजार रुपयांची लाच मागितल्याने त्याच्यावर गुन्हा दाखल करण्यात आला आहे. दरम्यान एकाच आठवड्यातील मावळ येथील ही तिसरी घटना आहे. (Maharashtra News)

एसीबीने दिलेल्या माहितीनूसार देविदास हिरामण करंडे (सहायक पोलीस निरीक्षक, लोणावळा ग्रामीण पोलीस स्टेशन, पुणे ग्रामीण) असे गुन्हा दाखल झालेल्या अधिकार्‍याचे नाव आहे. ही कारवाई अपर पोलीस अधीक्षक शीतल जानवे यांच्या मार्गदर्शनाखाली करण्यात आली आहे.

गुन्हा दाखल असलेल्या आरोपींचा फायनल अहवाल पाठविण्यासाठी तक्रारदार यांच्याकडे पन्नास हजार रुपये व सह आरोपी यांच्या कडून मिळून एक लाख 40 हजार रुपये लाचेची मागणी केल्याचे तक्रारदाराची तक्रार हाेती. त्यानूसार एसीबीने पडताळणी करुन करंडे याच्यावर लाच (bribe) मागितल्याप्रकरणी गुन्हा दाखल केला आहे.

Edited By : Siddharth Latkar