Mumbai Crime News Saam TV
मुंबई/पुणे

Mumbai Crime : परप्रांतीय भाजीविक्रेत्याची मुजोरी; लघुशंकेस विरोध केल्याने पोलिसावर केला चाकू हल्ला

मुंबईत पुन्हा एकदा परप्रांतीय भाजी विक्रेत्याची मुजोरी पाहायला मिळाली आहे.

साम टिव्ही ब्युरो

संजय गडदे, साम टीव्ही

Mumbai Crime News : मुंबईत पुन्हा एकदा परप्रांतीय भाजी विक्रेत्याची मुजोरी पाहायला मिळाली आहे. मुंबईच्या कांदिवली पश्चिमेकडील परिसरात उघड्यावर लघुशंका करण्यास विरोध केल्याने एका भाजीविक्रेत्याने पोलिसावर हल्ला केल्याची घटना सोमवारी घडली आहे.या चाकू हल्ल्यात पोलीस जखमी झाला असून त्याच्यावर रुग्णालयात उपचार सुरू आहेत. याप्रकरणी कांदिवली पोलिसांनी आरोपीला अटक केली आहे. (Latest Marathi News)

राम गोंडे (वय ४१ वर्षे) असं अटक करण्यात आलेल्या आरोपीचं नाव आहे. मिळालेल्या माहितीनुसार, कांदिवली पोलीस ठाण्याच्या हद्दीतील मुख्य रस्त्यावर अनेक फेरीवाले व्यवसाय करत आहेत यापैकीच एक असलेल्या परप्रांतीय भाजीविक्रेता राम गोंडे हा लघुशंकेसाठी सार्वजनिक शौचालयात न जाता तेथेच रस्त्यावर लघुशंका करू लागला. यावेळी तेथून अनेक महिला देखील ये जा करत होत्या.

त्याचवेळी पोलीस कर्मचारी (Mumbai Police)  उदय कदम हे देखील तेथून जात होते. त्यांनी त्याभाजी विक्रेत्याला उघड्यावर लघुशंका करू नकोस अन्यथा तुझ्यावर दंडात्मक कारवाई केली जाईल असे सांगितले. मात्र, त्यानंतर भाजी विक्रेता आणि पोलीस उदय कदम यांच्यात भांडण सुरू झाले. भाजी विक्रेता राम गोंडे याने त्याच्याजवळ असणारा भाजी साफ करण्याचा चाकू घेऊन कदम यांच्यावर हल्ला केला. या हल्ल्यात कदम यांच्या हाताला जखम झाली.

घटनेची माहिती मिळताच कांदिवली पोलीस ठाण्याचे पोलिस घटनास्थळी पोहोचले आणि आरोपी राम गोंडे याला अटक केली. भादंवि कलम ३५३, ३३२ अन्वये गुन्हा दाखल करण्यात आला आहे. जखमी झालेल्या उदय कदम यांना जवळील रुग्णालयात उपचारासाठी दाखल करण्यात आले असून त्यांची प्रकृती आता ठीक असल्याचे समजते.

Edited By - Satish Daud

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Wedding Mundavalya Ritual: लग्नात नवरा व नवरीला मुंडावळ्या आणि बाशिंग का बांधतात? यामागील कारण काय?

Maharashtra Live News Update: भंडाऱ्यात अजित पवारांच्या राष्ट्रवादीची एकाच प्रभागात पती - पत्नीला उमेदवारी

Prajakta Gaikwad Wedding Video : सनईचे घुमले सूर...; प्राजक्ता गायकवाडची लगीनघाई, हातात भरला हिरवा चुडा

Kolhapur : पन्हाळगडाच्या पायथ्याशी ढगांची मखमली दुलई, कोल्हापूरमध्ये स्वर्गच अवतरला; VIDEO पाहतच राहाल

Famous Actor Death: प्रसिद्ध अभिनेत्याचा घराच्या छतावरून पडून मृत्यू; मनोरंजन विश्वात शोककळा

SCROLL FOR NEXT