पुणे : सिगारेट मागण्याच्या वादातून मोशी येथील जंगलात एका १५ वर्षांच्या अल्पवयीन मुलाची कोयत्याने वार करुन हत्या केल्याची धक्कादायक घटना समोर आली आहे. सदर घटना काल दुपारी मोशी (Moshi) टोलनाका येथील जंगलाजवळ घडली आहे. सुमित बनसोडे वय वर्ष १५ असं हत्या झालेल्या मुलाचं नावं आहे.

मिळालेल्या माहितीनुसार, सुमितच्या मित्रांची कबुतरांची ढाबळ कोणीतरी तोडायला येणार आहे. अशी उडवा उडवीची माहिती सुमित आणि त्याच्या मित्राला मिळाली होती. त्यामुळे सुमित आणि त्याचे मित्र ढाबळ तोडायला येणाऱ्या टोळक्याला मारण्यासाठी कोयते आणि काट्या घेऊन मोशी जकात नाक्याजवळील जंगलात दबा धरून बसेल होतें. मात्र, त्या ठिकाणी ढाबळ तोडणारा टोळकं आलाच नाही.

पाहा व्हिडीओ -

दरम्यान, हे सर्वजण ज्या ठिकाणी दबा धरून बसले होते. त्याच ठिकाणी सुमित आणि त्याच्या मित्रांमध्ये सिगारेट मागण्यावरून किरकोळ वाद झाला आणि या वादातच सूमितच्या काही मित्रांनी त्याच्या डोक्यात कोयत्याने गंभीर वार करून त्याचा खून केला आहे. त्यामुळे लहान मुलांमध्ये वाढणारी गुन्हेगारी प्रवृत्ती ही चिंतेची बाब असून प्रशासनाने या गोष्टीची गंभीर दखल घ्यायला हवी असं नागरिकांकडून सांगण्यात येत आहे.

Edited By - Jagdish Patil