प्राची कुलकर्णी -

पुणे : संत ज्ञानेश्वर महाराज आणि संत तुकाराम महाराज यांच्या पालखी सोहळ्यानिमित्त पुणे शहरात ४ हजार पोलिसांचा बंदोबस्त ठेवण्यात येणार आहे. कोरोनामुळे (Corona) तब्बल २ वर्षानंतर पहिल्यांदाच पालखी सोहळा पूर्ववत होणार असल्याने हा सोहळ्यासाठी मोठ्या प्रमाणात होणारी गर्दी लक्षात घेऊन पोलिसांचा चोख बंदोबस्त ठेवण्यात येणार आहे. (Sant Dnyaneshwar Maharaj and Sant Tukaram Maharaj Palkhi Sohala)

संत ज्ञानेश्वर महाराज आणि संत तुकाराम महाराज यांच्या पालखीचे २२ जून रोजी पुणे (Pune) शहरात आगमन होणार आहे. या पार्श्वभूमीवर पुणे पोलिसांकडून या पालखी सोहळ्यासाठी बंदोबस्ताचे खास नियोजन करण्यात आलं असून संत तुकाराम महाराज यांचा पालखी सोहळा श्री क्षेत्र देहू येथून २० जून ला तर संत ज्ञानेश्वर महाराज पालखी सोहळा श्री क्षेत्र आळंदी येथून २१ जून रोजी पंढरपूरच्या (Pandharpur) दिशेने प्रस्थान ठेवणार आहेत.

हे देखील पाहा -

दरम्यान, २२ जून रोजी सायंकाळी या दोन्ही पालख्यांचे शहरात आगमन होणार आहे तर २३ जून रोजी पालखीचा शहरात मुक्कामी असणार आहे. यासाठी आता पुणे पोलिसांकडून (Pune Police) पालखी सोहळ्याकरीता ४ हजार पोलिसांचा बंदोबस्त ठेवण्यात येणार आहे. यासठी विशेष शाखेकडून बंदोबस्ताची आखणी करण्यात आली आहे.

पालखी सोहळ्यात साध्या वेशातील पोलिसांचा बंदोबस्त ठेवण्यात येणार असून गुन्हे शाखेची पथकेही बंदोबस्तात राहणार आहेत. राज्य राखीव पोलीस दलाची तुकडी तसेच गृहरक्षक दलाचे ६०० जवानांबरोबरच स्थानिक पोलिस ठाण्याचे पोलिस अधिकारी व कर्मचारी देखील बंदोबस्तात सहभागी असणार आहेत.

Edited By - Jagdish Patil