उल्हासनगर : घातक सल्फ्यूरिक ऍसिड घेऊन जाणाऱ्या भरधाव टॅंकरमधुन 4 नागरिकांच्या अंगावर ऍसिड (Acid) पडल्याने नागरिक गंभीर जखमी झाल्याची घटना उल्हासनगरच्या श्रीराम चौकात घडली आहे. आज दुपारच्या सुमारास उल्हासनगरहुन तळोजा मार्गे हा टँकर जात होता.

हे देखील पहा :

उल्हासनगरच्या (Ulhasnagar) श्रीराम चौकात टँकर (Tanker) आल्यानंतर एका स्पिड ब्रेकरवर आदळून टँकरच्या वरती असलेलं झाकण लूज असल्याने त्यातील घातक सल्फ्यूरिक ऍसिड थेट मागे प्रवास करणाऱ्या नागरिकांच्या अंगावर पडलं. ऍसिड अंगावर पडल्याने या दुर्दैवी घटनेत चार जण जखमी (Injured) झाले. परिसरातील नागरिकांनी जखमींना तात्काळ खाजगी रुग्णालयात उपचारासाठी दाखल केले.

या घटनेत चौघांपैकी दोन जण गंभीर जखमी झाले आहेत. नागरिकांनी टँकर चालकाला विठ्ठलवाडी (Vitthalwadi) पोलिसांच्या ताब्यात दिलं आहे. यात जखमी झालेल्या इसमांची नावे भरत वसीठा आणि दिलीप पुरस्वानी अशी आहेत. तर, दोन जण किरकोळ जखमी झाले आहेत. सध्या टँकर चालकावर गुन्हा दाखल करण्याची प्रक्रिया विठ्ठलवाडी पोलिसांनी (Police) सुरू केली आहे.

Edited By : Krushnarav Sathe